گوگل نیوز پر ہمیں فالو کریںکراچی پولیس نے 5 گھنٹوں میں 3 مبینہ مقابلوں اور فائرنگ کے تبادلے کے بعد 7 ملزمان کو زخمی حالت میں گرفتار کرلیا ہے، جن کے قبضے سے اسلحہ برآمد کر لیاگیا۔
تفصیلات کے مطابق کراچی پولیس نے ایک ہی روز میں صرف 5 گھنٹوں کے دوران مختلف جرائم میں ملوث 7 زخمی ملزمان کو گرفتار کیا۔ حکام کا کہنا ہے کہ زخمی ملزموں کے قبضے سے اسلحہ، موٹر سائیکلز اور چھینے یا چوری کیے گئے موبائل فونز برآمد ہوئے۔
کراچی میں پولیس مقابلہ، داؤد چورنگی میں فائرنگ کرنے والا ملزم ہلاک
پولیس کا کہنا ہے کہ مبینہ مقابلے کراچی کے علاقوں سعود آباد، فیڈرل بی ایریا اورپیر آباد میں ہوئے۔ اسٹریٹ کرائمز، چوری، ڈکیتی، لوٹ مار اور غیر قانونی اسلحہ رکھنے کے الزام میں گرفتار ملزمان سے مزید تفتیش جاری ہے جس میں اہم انکشافات کی توقع کی جارہی ہے۔
خیال رہے کہ اس سے قبل شہرِ قائد میں ایک پولیس مقابلے کے دوران لانڈھی کے علاقے داؤد چورنگی میں پولیس پر فائرنگ کرنے والے ملزم کو ہلاک کردیا گیا۔
گزشتہ روز لانڈھی میں پولیس پر حملہ کرنے والا ملزم فائرنگ کے تبادلے میں مارا گیا۔ پولیس اور رینجرز نے مشترکہ کارروائی کرتے ہوئے ملزم کے گھر پر چھاپہ مار دیا۔
