امریکا میں ریلوے اسٹیشن پر مسلح شخص کی فائرنگ، 23 افراد زخمی

امریکا میں ریلوے اسٹیشن پر مسلح شخص نے فائرنگ کردی جس کے نتیجے میں 23 افراد زخمی ہوگئے۔ پولیس نے بروکلین سب وے اسٹیشن سے متعدد دھماکہ خیز آلات برآمد کرکے تحویل میں لے لیے۔

تفصیلات کے مطابق مسلح شخص نے نارنجی رنگ کا لباس پہن رکھا تھا۔ منہ پر گیس ماسک لگا کر سب وے اسٹیشن میں فائرنگ سے قبل ایک ڈبہ اسٹیشن میں پھینک دیا جس میں مبینہ طور پر آنسو گیس تھی۔ دھواں پھیلنے کے بعد اسٹیشن میں بھگدڑ مچ گئی۔

یہ بھی پڑھیں:

بھارت میں ہندو انتہا پسندی جاری، مسلمانوں کی مسجد شہید کردی

First visuals of New York subway shooting #Breaking #NewYork #Brooklyn #Shooting | @PreetiChoudhry pic.twitter.com/TKBHZZqFQ4

— IndiaToday (@IndiaToday) April 12, 2022

بھگدڑ کے دوران مسلح شخص کی اندھا دھند فائرنگ کے نتیجے میں متعدد افراد زخمی ہوئے۔ نیو یارک پولیس واقعے کی اطلاع ملتے ہی جائے وقوعہ پر پہنچی اور مسلح شخص کو پکڑنے کیلئے کارروائی شروع کردی۔ جائے وقوعہ کا محاصرہ کر لیا گیا۔

این وائی پی ڈی (نیو یارک پولیس ڈپارٹمنٹ) کا کہنا ہے کہ ہم نے ریلوے اسٹیشن سے دھماکہ خیز مواد بھی برآمد کیا جو اگر پھٹتا تو بڑے پیمانے پر جانی نقصان ہوسکتا تھا۔ واقعے کی تحقیقات جاری ہیں۔ پولیس نے مسلح شخص کی تصاویر اور شناخت جاری کردی۔

عالمی خبر رساں ایجنسی کا کہنا ہے کہ پولیس نے ایک مشتبہ ٹرک کی چابی برآمد کر لی جس کا ڈرائیور غائب ہے۔ پولیس نے مسلح شخص کی شناخت کیلئے 50 ہزار ڈالر انعام دینے کا اعلان کردیا۔ این وائی پی ڈی کا کہنا ہے کہ ملزم نے 33 گولیاں فائر کیں۔