گوگل نیوز پر ہمیں فالو کریںکراچی میں ایف ٹی سی بلڈنگ کے نزدیک نامعلوم مسلح افراد نے فائرنگ کی جس کے نتیجے میں 2 سگے بھائی جاں بحق ہو گئے ہیں۔
تفصیلات کے مطابق یہ افسوسناک واقعہ کراچی کے علاقے کالا پل کے نزدیک پیش آیا جہاں ایف ٹی سی بلڈنگ کے قریب موٹر سائیکل سوار 2 افراد پر فائرنگ کی گئی جو موقعے پر جاں بحق ہو گئے۔
ایدھی ذرائع کا کہنا ہے کہ جاں بحق افراد سیّد عابد حسین شاہ اور سیّد صابر حسین شاہ آپس میں سگے بھائی تھے۔ مقتولوں کی میتوں کو ضروری قانونی کارروائی کیلئے جناح ہسپتال منتقل کردیا گیا ہے۔ ابتدائی تفتیش کے مطابق یہ واقعہ ذاتی رنجش کا نتیجہ بتایا جاتا ہے۔
یاد رہے کہ اِس سے قبل مستونگ کے علاقے خراسانی میں نامعلوم افراد کی فائرنگ کے باعث 3 محنت کش مزدور جاں بحق ہو گئے۔
یہ واقعہ خراسانی میں 7 اور 8 فروری کی درمیانی شب رات گئے پیش آیا۔ نامعلوم افراد نے مزدوروں پر فائرنگ کرکے انہیں قتل کردیا جن کی گرفتاری عمل میں نہیں لائی جاسکی۔
مزید پڑھیں: مستونگ: خراسانی میں نامعلوم افراد کی فائرنگ، 3 مزدور جاں بحق
