گوگل نیوز پر ہمیں فالو کریںسوات: سیر و تفریح کی خوشیاں لمحوں میں غم میں بدل گئیں جب دریائے سوات میں سیالکوٹ سے آئے ایک ہی خاندان کے 18 افراد پانی کے تیز ریلے میں بہہ گئے۔
ریسکیو ذرائع کے مطابق اب تک 5 افراد کی لاشیں نکال لی گئی ہیں، 3 افراد کو زندہ بچا لیا گیا جبکہ 10 افراد کی تلاش تاحال جاری ہے۔
متاثرہ خاندان سیر کے لیے سوات آیا تھا اور دریائے سوات کے کنارے ناشتہ کر رہا تھا۔ اسی دوران اچانک بارش کے بعد دریا میں پانی کا بہاؤ تیز ہوگیا۔
سیاح اس خطرے سے لاعلم دریا کے قریب بیٹھے تھے اور بچے کنارے پر تصاویر لینے میں مصروف تھے کہ اچانک ایک زوردار ریلا آیا اور 18 افراد کو بہا لے گیا۔
Tragedy at river #swat , #TouristFamily went for fun and stuck with this #accident….
Our first response to any tragedy is still very slow and far from anything that happens in any developed country…#Pakistan #KPK #PTI @PTIKPOfficial pic.twitter.com/JYMEGgCSER— Sabeeh Fasihi (@sabeehfasihi) June 27, 2025
ریسکیو 1122 کو صبح تقریباً 8 بجے اطلاع دی گئی جس پر فوری طور پر امدادی کارروائیاں شروع کی گئیں۔ تین افراد کو زندہ نکال لیا گیا، پانچ افراد کی لاشیں دریائے سوات سے برآمد ہوئیں۔ باقی ماندہ دس افراد کی تلاش کے لیے غوطہ خور اور ریسکیو ٹیمیں مصروفِ عمل ہیں۔
ڈپٹی کمشنر سوات نے واقعے پر افسوس کا اظہار کرتے ہوئے بتایا کہ دریا کے قریب جانے اور نہانے پر پہلے ہی دفعہ 144 نافذ ہے، لیکن اس کے باوجود کئی سیاح حفاظتی ہدایات کو نظر انداز کرتے ہوئے دریا کے قریب جاتے ہیں۔
کئی گھنٹوں کا انتظار
سیاحوں کی امیدیں دم توڑ گئیں
کوئی بروقت مدد کو نہ آسکا
سوات میں ایک ہی خاندان کے 15افراد بے رحم موجوں کی نذر ہوگئے
دو افراد کی نعشیں نکال لی گئیں pic.twitter.com/8PRwrTtSOF— Muhammad Faheem (@MeFaheem) June 27, 2025
ایک متاثرہ سیاح نے میڈیا سے گفتگو کرتے ہوئے بتایا ہمارے خاندان کے 10 افراد بہہ گئے۔ ایک خاتون کی لاش مل چکی ہے جبکہ 9 بچے لاپتا ہیں۔ ہم ناشتہ کر رہے تھے اور بچے دریا کے پاس تصویریں لے رہے تھے۔
پانی کی سطح معمولی تھی لیکن چند لمحوں میں ایک بڑا ریلا آیا اور بچے دریا میں پھنس گئے۔ ریسکیو ٹیموں کو بروقت اطلاع دی مگر وہ تقریباً ڈیڑھ سے دو گھنٹے تاخیر سے پہنچے۔ بچے ان کے سامنے ڈوبتے رہے اور کوئی بچا نہ سکا۔
