گوگل نیوز پر ہمیں فالو کریںکراچی: وزیرِ اعلیٰ سندھ سیّد مراد علی شاہ کو بتایا گیا ہے کہ سندھ میں رواں برس مون سون سیزن کے دوران حالیہ بارشوں سے 149 افراد جاں بحق جبکہ 103 زخمی ہوئے۔
تفصیلات کے مطابق وزیرِ اعلیٰ سندھ نے آج سندھ میں شدید بارشوں کے باعث جانی و مالی نقصانات کیلئے منعقدہ اجلاس کی صدارت کی جس کے دوران آفت زدہ 20 اضلاع کے متاثرین کو معاوضے کی اصولی منظوری بھی دی گئی۔
اجلاس کے دوران وزیرِ اعلیٰ سندھ نے واضح کیا کہ معاوضے کی رقم کا تعین صوبائی کابینہ کرے جبکہ مراد علی شاہ کو بریفنگ کے دوران آگہی دی گئی کہ موسلا دھار بارش سے 149 شہری جاں بحق، 103 زخمی جبکہ 19 ہزار 858 مویشی ہلاک ہوئے۔
اس موقعے پر گفتگو کرتے ہوئے وزیرِ اعلیٰ سندھ نے کہا کہ سندھ کے متاثرین کو معاوضے کی رقم اے ٹی ایم کے ذریعے دیں گے، سندھ بینک سے کارڈز کے اجراء کا لائحہ عمل جلد طے کر لیا جائے گا۔
یہ بھی پڑھیں: پاک روس فوجوں کی مشترکہ مشقیں جاری، آئی ایس پی آر
