رواں سال نیٹ فلکس پر کئی بہترین سیریز اور فلمیں پیش کی گئیں جن کو ناظرین و سامعین نے کافی پسند کیا۔
تاہم، ہمارے اردگرد موجود کچھ لوگ اِس الجھن میں ہونگے کہ سال کی کونسی ایسی سیریز یا فلمیں ہیں جو کہ انھیں ضرور دیکھنی چاہئیے، ایسے لوگوں کی آسانی کیلئے ہم نے ایک فہرست تیار کی ہے جن میں سے آپ شوز کا انتخاب کرسکتے ہیں:
1) آل آف اَز آر ڈیڈ
کورین سیریز آل آف اَز آرڈیڈ کی کہانی طلبہ کے ایک گروپ پر مبنی ہے جو اسکول میں ایسے طالبعلموں کے درمیان پھنس جاتے ہیں جن کو انسانی گوشت کھانے کا شوق ہوتا ہے۔یہ ایک تجسس سے بھرپور سیریز ہے جو کہ دیکھنے والوں کی آخر تک دلچسپی کو برقرار رکھے گی۔
2) گیولرموڈِل ٹورس کیبنٹ آف کیوریوسٹیز
نیٹ فلکس کی اس سیریز کی کہانی کافی مختلف ہے کیونکہ فلمساز نے مختلف کہانیوں کا مجموعہ تیار کرکے ایک نئی کہانی تخلیق کرنے کی کوشش کی ہے جو کہ ناظرین کو کافی دلچسپ لگے گی۔ نیٹ فلکس کی یہ سیریز 25 اکتوبر کو ریلیز کی گئی تھی۔
3) 1899
نیٹ فلکس کی رواں برس ریلیز کی گئی سسپنس سے بھرپور سیریز 1899 کے بارے میں ناظرین و سامعین نے بے حد پسندیدگی کا اظہار کیا ہے تاہم یہ ہر عمر کے ناظرین کیلئے موزوں نہیں۔
نئی سائی فائی سیریز 1899 میں یورپی تارکینِ وطن کا ایک گروپ نئی زندگی کے آغاز کیلئے اسٹیم شپ کے ذریعے امریکی شہر نیو یارک کی طرف جاتا ہے تاہم مسافر تیزی سے ایک رکاوٹ سے ٹکرا جاتے ہیں۔سائی فائی سیریز کو زیادہ تر مثبت تبصروں سے نوازا گیا ہے جس کے نتیجے میں نیٹ فلکس نے اسے 85 فیصد ریٹنگ دی۔
4) داباسٹرڈ سَن اینڈ دا ڈیول ہمسیلف
نیٹ فلکس کی نئی ریلیز ہونے والی سیریز دا باسٹرڈ سَن اینڈ داڈیول ہمسیلف ایک مزاحیہ کہانی ہے جو کہ ہر ایک کو ضرور دیکھنی چاہئیے۔
آٹھ اقساط پر مبنی اس سیریز کی کہانی ایک طاقتور چڑیل کے ناجائز بیٹے پر مبنی ہے جو جدید دور کی چڑیل کا نشانہ بنتا ہے۔
5) ویڈ نزڈے
نیٹ فلکس کی یہ سیریز کامیڈی اور ہارر پر مبنی ہے جو ایڈمز فیملی کے کردار ویڈنزڈے ایڈمز پر مبنی ہے۔’ویڈنزڈے‘ کی کہانی ایک فیملی کے گرد گھومتی ہے جس میں بیٹی غیرمعمولی قوت اور صلاحیت حاصل کرنے بعد اپنے والدین کے ساتھ ہونے والے پرانے واقعات کی کھوج لگاتی ہے۔
6) ہیری اور میگھن
سابق برطانوی شہزادہ ہیری اور میگھن مارکل پر دستاویزی سیریز نیٹ فلکس یوکے پر سرِ فہرست ہے جسے سب سے زیادہ شائقین نے دیکھا۔ برطانوی شہزادہ ہیری اور میگھن مارکل پر دستاویزی فلم کو بہت دلچسپی سے دیکھا جارہا ہے۔ سابق شہزادے نے 8 دسمبر کو نشر ہونے والی دھماکہ خیز نیٹ فلکس دستاویزی فلم میں میگھن کے ساتھ اپنے تعلقات کو نشانہ بنانے پر تنقید کی۔
بین الاقوامی اسٹریمنگ پلیٹ فارم نیٹ فلکس نے سابق شہزادے کی مخالفت کے باوجود 6 قسطوں پر مشتمل سیریز مقبولیت کے اعتبار سے پہلے نمبر پر رہی۔
7) انڈین پریڈیٹر: بیسٹ آف بنگلور
نیٹ فلکس پر ریلیز کی گئی انڈین پریڈیٹر ایک جاسوسی کہانی ہے جس میں ایک شکاری کو دکھایا گیا ہے، یہ 16 دسمبر کو نیٹ فلکس پر یلیز ہوئی تھی۔
8) دی ریکرئٹ
نیٹ فلکس کی اس سیریز کی کہانی اوون ہینڈرکس کے گرد گھومتی ہے جو کہ سی آئی اے میں بطور وکیل شامل ہوتا ہے، نوکری کے پہلے دن ہی اوون یہ توقع کرتا ہے کہ اسے بہت مزا آئے گا لیکن اس کی یہ توقع پوری نہیں ہوتی اور سی آئی سے اس کو ایک کیس حل کرنے کیلئے دے دیتی ہے۔
9) دی وِچر۔ بلڈ اوریجن
نیٹ فلکس کی اس سیریز میں تلوار ایلوس کے قبیلے کو دکھایا گیا ہے جس میں مکیئل یہو نے قبیلے کی آخری رکن کا کردار ادا کیا ہے،جو کہ ایک جستجو پر نکلتی ہے۔ یہ سیریز چار اقساط پر مبنی ہے۔
10) سمبڈی
جنگ جی وو کے زیر ہدایت، سمبوڈی ایک سنسنی خیز سیریز ہے جو ایک سیریل کلر کی کہانی پر مبنی ہے جو ان لڑکیوں کو مار ڈالتا ہے جن سے وہ ڈیٹنگ ایپ سمبڈی پر ملتا ہے۔