گوگل نیوز پر ہمیں فالو کریںکراچی:شہری قائد میں ڈکیتی کی وارداتوں میں کمی نہ آسکی، شہری خود کو غیر محفوظ سمجھنے لگے، بینک سے رقم لیکر نکلنے والا شہری کو ڈالمیا پر لوٹ لیا گیا، شہری نے بتایا بینک سے 10لاکھ روپے لیکر نکلا تھا جو ڈکیتوں نے لوٹ لی۔
ذرائع کا کہنا ہے کہ ڈالمیا میں شہری کو گلی میں پہنچتے ہی لوٹ لیا گیا۔واردات کی سی سی ٹی وی منظرعام پر آگئی ہے، فوٹیج میں ملزمان کوموٹر سائیکل سوارشہری کا تعاقب کرتے دیکھا جاسکتا ہے۔
سامنے آنے والی ویڈیو میں دیکھا جاسکتا ہے کہ ایک ملزم نے موٹر سائیکل کی تلاشی لی اور کور سے پیسوں کالفافہ نکالا اور لفافہ نکالنے کے بعدشہری کی تلاشی لی اورموبائل بھی چھین لیا۔
ملزمان نے شناخت چھپانے کیلئے ہیلمٹ، ماسک اورکیپ کا استعمال کیا اور ملزمان نے فرار ہونے کیلئے موٹر سائیکل موڑی توایک نوجوان نے ملزمان پر پتھر سے حملہ کیا مگر ملزمان بھاگنے میں کامیاب ہوگئے۔
مزید پڑھیں:کراچی پولیس کی کارروائی، جرائم کی درجنوں وارداتوں میں مطلوب 4 ملزمان گرفتار
متاثرہ شہری کے مطابق واقعے کی رپورٹ پولیس کوکردی ہے، بینک سے 10 لاکھ روپے لیکر نکلا تھا جو لوٹ لیے گئے۔شہری کا کہنا ہے کہ پولیس اس کے ساتھ بھرپور تعاون کررہی ہے۔
