گوگل نیوز پر ہمیں فالو کریںاسلام آباد: رواں ہفتے کے پہلے کاروباری روز کے دوران اوپن مارکیٹ میں ڈالر کی قیمت میں اضافہ ہوا ہے جس کے نتیجے میں نئی قیمت 294روپے ہوگئی۔
تفصیلات کے مطابق امریکی ڈالر کی قیمت میں 2 روپے کا اضافہ ہوا جس کے بعد ڈالر کی نئی قیمت 294روپے ہوگئی۔ تاہم انٹربینک میں ڈالر کی قیمت میں کمی بیشی کا رجحان جاری رہا۔
انٹر بینک میں روپے کے مقابلے میں ڈالرمزید تگڑا ہوگیا
انٹر بینک میں ڈالر کی قیمت میں 21 پیسے کی کمی کے ساتھ کاروبار کے آغاز کے بعد ہی اتار چڑھاؤ کے نئے سلسلے سے ڈالر کی قیمت میں استحکام پیدا ہوا اور دوپہر تک ڈالر کی قیمت میں اضافہ ہوگیا۔
ڈالر کی قیمت میں 42 پیسے کا اضافہ ہوا جس سے انٹر بینک میں ڈالر کی قیمت 287 روپے 38 پیسے کی سطح پر آگئی۔خیال رہے کہ اس سے قبل بھی پاکستانی روپے کے مقابلے میں انٹر بینک میں امریکی ڈالرکی قدر میں ایک بار پھر اضافہ سامنے آیا۔
گزشتہ ماہ انٹربینک میں کاروباری ہفتے کے پہلے روز ڈالر 66 پیسے مزید تگڑا ہوگیا، ایک ڈالر 66 پیسے مہنگا ہونے کے بعد 278 روپے 25 پیسے کا ہوگیا۔انٹربینک میں اس سے ایک روز قبل ڈالر 277 روپے 59 پیسے پر بند ہوا تھا۔
