گوگل نیوز پر ہمیں فالو کریںاردو فلکس نے پاکستانی شوبز انڈسٹری کے معروف اداکار عفان وحید اور سونیا حسین کی نئی ویب فلم لیٹس بریک اپ کا ٹریلر ریلیز کردیا ہے۔
فوٹو شیئرنگ پلیٹ فارم انسٹاگرام پر اپنے پیغام میں اردو فلکس نے نئی ویب فلم کو جلد ریلیز کرنے کا اعلان کرتے ہوئے عفان وحید اور سونیا حسین سمیت دیگر ستاروں پر مشتمل لیٹس بریک اپ کا ٹریلر جاری کیا۔
فریحہ الطاف کی ویب سیریز دائی نے حمل ضائع کرنے کا متنازعہ موضوع چھیڑدیا
یقین کرنا مشکل ہوگا کہ میں مرد ہوں۔اردو فلکس پر مسٹرکوئین کا ٹریلر جاری
ویڈیو اسٹریمنگ پلیٹ فارم اردو فلکس کا کہنا ہے کہ لیٹس بریک اپ ایک نوجوان جوڑے کی کہانی ہے جو ہر روز چھوٹی چھوٹی باتوں پر لڑتا جھگڑتا نظر آتا ہے اور آخر کار دونوں کے مابین طلاق کا فیصلہ ہوتا ہے۔
View this post on Instagram
لیٹس بریک اپ کے متعلق اردو فلکس کا مزید کہنا ہے کہ عفان وحید اور سونیا حسین میں سے کوئی ایک کورونا وائرس میں مبتلا ہوجاتا ہے اورپھر دونوں کی زندگی کا سفر مخالف سمت اختیار کرلیتا ہے۔
خیال رہے کہ اس سے قبل اردو فلکس پر کورین سیریز مسٹر کوئین کا ٹریلر جاری کردیا گیا جس کا آغاز ملکہ کے اس بیان سے ہوتا ہے کہ یقین کرنا مشکل ہوگا، مگر یہ سچ ہے کہ میں مرد ہوں۔
گزشتہ برس 2020میں ہٹ ہونے والا کورین ڈرامہ مسٹر کوئین اردو ڈبنگ کے ساتھ اردو فلکس پر دستیاب ہوگا۔ مسٹر کوئین سیریز پاکستانی ویڈیو اسٹریمرز کیلئے نئی ہے جس سے شائقین کی بڑی تعداد محظوظ ہوگی۔
انسٹا گرام پر ویڈیو اسٹریمنگ پلیٹ فارم اردو فلکس پر نئی کورین سیریز مسٹر کوئین کا ٹریلر رواں ماہ جاری کردیا گیا۔ ایک منٹ 25 سیکنڈ کی ویڈیو نے ٹریلر دیکھنے والوں کو ہنسا ہنسا کر لوٹ پوٹ کردیا۔
