گوگل نیوز پر ہمیں فالو کریںاسلام آباد: وفاق نے پی ٹی آئی کے رہنما جہانگیر ترین کے لیے ایک اور مشکل کھڑی کردی ہے۔ وفاقی حکومت نے جہانگیر ترین کی ملوں کو چینی فروخت کی مشروط اجازت کا لاہور ہائی کورٹ کا فیصلہ سپریم کورٹ میں چیلنج کر دیا۔
وفاقی کی جانب سے سپریم کورٹ میں لاہور ہائی کورٹ کے دائرہ اختیار کو چیلنج کیا گیا ہے۔ دائر درخواست میں کہا گیا ہے کہ ہائی کورٹ کا عبوری ریلیف دینے کا فیصلہ اختیارات سے تجاوز ہے۔
درخواست دائر کرتے ہوئے وفاق کے وکیل کا کہنا تھا کہ لاہورہائیکورٹ نے جے کے اورجے ڈی ڈبلیو ملزکے خلاف کارروائی نہ کرنے کاحکم دیا ہے۔ انہوں نے اپیل میں استدعا کی کہ سپریم کورٹ شوگر ملز کےخلاف کارروائی نہ کرنے کا ہائیکورٹ کاعبوری حکم کالعدم قرار دے۔
واضح رہے کہ گزشتہ روز سپریم کورٹ نے شوگر ملز کو مقرر کردہ ایکس مل ریٹ 97 روپے فی کلو گرام پر چینی فروخت کی مشروط اجازت دے دی تھی۔ حکومت کا موقف تھا کہ ایکس مل سرکاری ریٹ 84 روپے جب کہ شوگر مل مالکان کا 97 روپے ہے۔ قیمت مقرر کرنے کا اختیار حکومت کا ہے، حکومت نے چینی کی ایکس مل قیمت مقرر کی تھی، جس پر لاہور ہائی کورٹ نے حکم امتناع جاری کیا ہے، جسے ختم کیا جائے۔
وکیل شوگر ملز مالکان نے موقف اختیار کیا کہ لاہور ہائی کورٹ کا عبوری حکم ختم کیا تو اس کا نقصان ہوگا، عبوری حکم ختم ہوا تو سارا اسٹاک اٹھا لیا جائے گا۔ فریقین کے دلائل سننے کے بعد سپریم کورٹ نے شوگر ملز کو مقرر کردہ ایکس مل ریٹ پر چینی فروخت کی مشروط اجازت دے دی تھی۔
یہ بھی پڑھیں: وزیراعظم کے مشکور ہیں جنہوں نے لوگوں کو بےگھر ہونے سے بچا لیا، رہنما پی ٹی آئی
