افغانستان کے ساتھ امریکی اقتصادی روابط جاری رکھنا اہمیت کا حامل ہے، شاہ محمود قریشی

مقبول خبریں

کالمز

موسم

قیمتیں

ٹرانسپورٹ

افغانستان کے ساتھ امریکی اقتصادی روابط جاری رکھنا اہمیت کا حامل ہے، شاہ محمود قریشی
افغانستان کے ساتھ امریکی اقتصادی روابط جاری رکھنا اہمیت کا حامل ہے، شاہ محمود قریشی

اسلام آباد: وزیر خارجہ شاہ محمود قریشی کا کہنا ہے کہ مستقبل میں افغانستان کے ساتھ امریکی اقتصادی روابط جاری رکھنا بھی اہمیت کے حامل ہیں۔

ان خیالات کا اظہار وزیر خارجہ شاہ محمود قریشی نے امریکی ہم منصب اینٹونی جے بلنکن سے ٹیلی فونک رابطے کے دوران کیا ہے۔

ترجمان دفتر خارجہ کی جانب سے جاری ہونے والے اعلامیے کے مطابق وزیرخارجہ مخدوم شاہ محمود قریشی سے امریکی وزیرخارجہ اینٹونی جے بلنکن نے ٹیلی فونک رابطہ کیا اوردونوں رہنماوٴں نے افغانستان میں تیزی سے بدلتی صورتحال پر تبادلہ خیال کیا۔

وزیرخارجہ نے مختصرعرصے میں صورتحال میں نمایاں تبدیلی اور تشدد سے بچنے کے حوالے سے پاکستان کے نقطہ نظرسے آگاہ کیا۔ وزیر خارجہ نے آگے بڑھنے کے بہترین راستے کے طور پر جامع سیاسی تصفیے کی اہمیت پر زور دیا۔

شاہ محمود قریشی نے امریکی وزیرخارجہ کو سفارتی مشنوں، بین الاقوامی تنظیموں، میڈیا اوردیگر عملے کے انخلا میں سہولت فراہم کرنے کی پاکستان کی کوششوں سے بھی آگاہ کیا۔ دونوں وزرائے خارجہ کا مشترکہ مقاصد کو فروغ دینے کے لیے قریبی رابطے میں رہنے پراتفاق کیا۔

ترجمان دفتر خارجہ کے مطابق شاہ محمود قریشی نے کہا کہ پاکستان پرامن اور مستحکم افغانستان کے لیے امریکا اور دیگر بین الاقوامی شراکت داروں کے ساتھ قریبی رابطے میں رہے گا، افغانستان کے ساتھ امریکی اقتصادی روابط جاری رکھنا بھی اہمیت کا حامل ہے۔

یہ بھی پڑھیں : بین الاقوامی سطح پر کشمیر کاز کے لیے کام کیا جائے گا، بیرسٹر سلطان محمود کا عزم

Related Posts