گوگل نیوز پر ہمیں فالو کریںاسلام آباد: وزیر اعظم عمران خان کے معاونِ خصوصی برائے سیاسی ابلاغ ڈاکٹر شہباز گِل نے کہا ہے کہ پیٹرولیم مصنوعات کی قیمتیں کم رکھنے کیلئے قرض لینا ملک کے مفاد میں نہیں، اس لیے قیمتیں بڑھانی پڑیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی شہباز گل نے کہا کہ پیٹرول کی قیمت بڑھانا کوئی پسندیدہ فیصلہ نہیں تھا۔ ہر پہلو دیکھا گیا، پوری دنیا میں پیٹرولیم کی قیمت 2 گنا ہوچکی ہے۔
پیٹرولیم مصنوعات کی قیمتوں میں 8 روپے فی لٹر سے زائد کا اضافہ
وزیر اعظم ہسپتال کاسنگِ بنیاد رکھنے کیلئے اٹک کا ایک روزہ دورہ آج کریں گے
ٹوئٹر پیغام میں معاونِ خصوصی شہباز گِل نے کہا کہ حکومت پہلے ہی پیٹرولیم ٹیکس 31 روپے سے کم کرکے 5 روپے تک لاچکی ہے، اگر اب بھی قیمت کم رکھنی ہو تو قرض لینا ہوگا۔
پٹرول کی قیمت بڑھانا کوئی پسندیدہ فیصلہ نہیں تھا۔ ہر پہلو دیکھا گیا۔ پوری دنیا میں پٹرولیم کی قیمت دو گنا ہو چکی۔ حکومت پہلے ہی پٹرولیم ٹیکس 31 روپے سے کم کر کے 5 روپے تک لا چکی۔ اب بھی اگر قیمت کم رکھنی ہو تو پھر قرضہ لینا پڑے گا جو کسی صورت ملک کے مفاد میں نہیں۔
— Dr. Shahbaz GiLL (@SHABAZGIL) November 4, 2021
