سعودی عرب نے پاکستان کے شہریوں پر سفری پابندی ختم کردی

ریاض:سعودی عرب کی وزارتِ داخلہ نے سفری پابندی کی زد میں آنے والے ممالک سے مکمل ویکسین لگوانے والے تارکین وطن کیلئے پابندی ختم کرنے کا اعلان کردیا۔

سعودی عرب نے رواں برس فروری میں پاکستان سمیت 20 ممالک کے شہریوں کے داخلے پر پابندی لگائی تھی تاہم کورونا وائرس کی صورتحال میں بہتری اور ویکسی نیشن کے عمل کے بعد سعودی عرب نے پاکستان سمیت 20 ممالک کے شہریوں پر سفری پابندی ختم کردی ہے۔

سعودی عرب نے عمرہ زائرین کیلئے کورونا ویکسین ایس او پیز پر مبنی ٹریول ایڈوائزری جاری ہے، سعودی جنرل اتھارٹی برائے سول ایوی ایشن کے ہدایت نامہ کے مطابق سرٹیفکیٹ منظور شدہ کسی ایک ویکسین کی مکمل ڈوز پر مبنی ہونا لازمی قراردیا گیا ہے، ہدایت نامہ میں ایئرلائنز کو کہا گیاہے کہ ویکسین کی مکمل ڈوز کے بغیر عمرہ زائرین کو پرواز میں سوارنہ کیا جائے۔

واضح رہے کہ پاکستان نے برطانیہ کو سفری پابندی والے ملکوں کی فہرست سے نکال دیاتھا، رپورٹ کے مطابق سول ایوی ایشن نے بین الاقوامی پروازوں اور چارٹرڈ فلائٹس کے لیے نئی ایس او پی جاری کردی ہے۔

مزید پڑھیں:امریکا نے پاکستان کیلئے سفری پابندیوں میں نرمی کردی

نئی ایس او پی میں کیٹگری سی میں شامل ملکوں کی نئی فہرست بھی جاری کی گئی ہے، نئی ایس او پیز 6 تا 20 اپریل تک قابلِ عمل ہوں گی۔ واضح رہے کہ برطانیہ نے دو روز پہلے پاکستان کو ریڈ لسٹ میں شامل کرکے سفری پابندی لگائی تھی۔

سول ایوی ایشن کی جانب سے جاری کردہ نئی ایس او پیز کے مطابق پاکستان نے برطانیہ کو پابندی والے ملکوں کی فہرست سی سے نکال کر کٹیگری بی میں شامل کرلیا ہے۔

کیٹگری بی میں شامل ممالک سے آنے والے مسافروں کے لئے پاکستان آنے سے 72 گھنٹے قبل کورونا ٹیسٹ لازمی قرار دیا گیاہے، منفی کورونا رپورٹ کی صورت میں کیٹگری بی میں برطانیہ سمیت دیگر ملکوں کے مسافروں کو پاکستان آنے کی اجازت ہوگی۔