گوگل نیوز پر ہمیں فالو کریںاسلام آباد: کالعدم تحریک لبیک کے احتجاج کے پیش نظر پنجاب میں رینجرز کو طلب کر لیا گیاہے، پنجاب میں امن و امان کی صورتحال کے باعث رینجرز کو 60 روز کے لیے طلب کیا گیا ہے۔
وفاقی وزیر داخلہ شیخ رشید احمد نے وفاقی دارالحکومت اسلام آباد میں میڈیا سے گفتگو کرتے ہوئے کہا ہے کہ آرٹیکل 147کے تحت پنجاب رینجرز کو 60 روزکیلئے طلب کیا گیا۔ پنجاب حکومت کی مرضی ہے کہ جہاں چاہے رینجرز کو استعمال کرے۔
شیخ رشید نے کہا کہ کالعدل ٹی ایل پی کی جانب سے راستے کھولنے کا وعدہ پورا نہیں کیا، کالعدم تنظیم کے لوگ واپس مسجد رحمت اللعالمین ﷺچلے جائیں۔ فرانس کاسفارتخانہ بند نہیں کرسکتے۔ فرانس کاسفیرپاکستان میں نہیں ہے۔
انہوں نے کہا کہ کالعدم تنظیم کے احتجاج کے دوران پولیس پر کلاشنکوف سے فائرنگ کی گئی، جس کے نتیجے میں 3پولیس اہلکار شہید اور 70کے قریب زخمی ہیں، انہیں ابھی بھی کہتا ہوں کہ احتجاج کو ختم کردیں۔
وفاقی وزیر داخلہ نے کہا کہ کالعدم تنظیم پر عالمی پابندیاں بھی لگ سکتی ہیں، وفاقی وزیر داخلہ نے کہا کہ مولانا فضل الرحمن حالات کی سنجیدگی کو سمجھنے کی کوشش کریں، انہوں نے کہ کہا کہ مولانا صاحب حکومت کہیں نہیں جارہی! عمران خان اپنے پانچ سال پورے کریں گے۔
مزید پڑھیں: وزیراعظم عمران خان کا کالعدم تحریک لبیک کے مطالبات ماننے سے انکار
