گوگل نیوز پر ہمیں فالو کریںکراچی میں لاک ڈاؤن ختم ہونے کے بعد جگہ جگہ ٹریفک کی ابتر صورتحال پر تنقید کرتے ہوئے پاکستان تحریک انصاف کراچی کے صدر خرم شیر زمان کا کہنا ہے کہ نالائقِ اعلیٰ کو اہم منصب پر بیٹھے برسوں بیت گئے مگر شہر میں ٹریفک کا نظام نہیں بدل سکے۔
رکن سندھ اسمبلی خرم شیرزمان کا کہنا تھا کہ مراد علی شاہ کبھی لاک ڈاؤن لگانے اور کبھی ہٹانے کے شوقین ہیں، کم عقل وزیراعلیٰ لاک ڈاؤن ختم کرنے سے قبل ایک اجلاس ٹریفک کی صورتحال پر بھی کرلیتے تو اچھا ہوتا۔
خرم شیر زمان کا کہنا تھا کہ کراچی کے کاروباری گڑھ صدر اور اطراف میں ٹریفک چھٹی کے وقت بری طرح جام رہا۔ افسوس کی بات ہے کہ سندھ حکومت کراچی شہر کو 14 سالوں میں ٹریفک کا ایک ماسٹر پلین بھی نہ دے سکی۔
رہنما پی ٹی آئی کا کہنا تھا کہ وزیر اعلیٰ کی کام چوری کی وجہ سے کراچی کے عوام سڑکوں پر دھکے کھا رہے ہیں، وزیراعلیٰ صوبے کے مسائل حل نہیں کرسکتے تو مستعفیٰ ہوجائیں۔ پی پی اپنی کم عقلی اور نااہلیوں کی وجہ سےایک علاقے کی جماعت بن چکی ہے۔
یہ بھی پڑھیں : پاکستان کیسے موسمیاتی تبدیلیوں سے متاثر ہو سکتا ہے؟
