گوگل نیوز پر ہمیں فالو کریںکراچی:اس مرتبہ عیدالاضحی پر طویل9تعطیلات ملنے کا امکان ہے جس سے سرکاری ملازمین بھرپور لطف اٹھائیں گے۔
اطلاعات اور کیلنڈر کے مطابق سرکاری ملازمین 18جولائی بروز ہفتہ سے تعطیل پر چلے جائیں گے۔سندھ کے دیگر شہروں میں رہنے والے اپنے آبائی علاقوں کی جانب ہفتہ 17 جولائی سے روانہ ہو جائیں گے۔
یوں 17 جولائی ہفتہ کو ہفتہ وار تعطیل سے تعطیلات کا آغاز ہو جائے گا، 18 جولائی کو اتوار کی چھٹی جب کہ 20جولائی کو حج کی چھٹی ہونے کا امکان ہے۔
اس کے بعد 21، 22 اور 23 جولائی کو عید کی چھٹیاں جب کہ 24 اور 25 جولائی کو ہفتہ اور اتوار کی تعطیلات ہوں گی، اس طرح شہریوں کو 17 جولائی سے 25 جولائی تک عید کی 9 چھٹیاں مل جائیں گی ۔
واضح رہے کہ پاکستان میں ذی الحج 1443 ہجری کا چاند نظر نہیں آیا، ملک بھر میں عیدالاضحی 21 جولائی بروز بدھ کوہو گی۔
ذی الحج کا چاند دیکھنے کے لئے مرکزی رویت ہلال کمیٹی کا اجلاس ہفتہ کو محکمہ موسمیات کراچی میں چیئرمین مولانا سید عبدالخبیرآزاد کی زیرصدارت ہوا، اجلاس میں محکمہ موسمیات و دیگر اداروں کے نمائندے بھی شریک ہوئے۔
مزید پڑھیں:ملک میں دوبارہ لاک ڈاؤن کا خدشہ
