قطر کا 2 روزہ سرکاری دورہ، وزیر اعظم شہباز شریف دوحہ پہنچ گئے

وزیر اعظم شہباز شریف قطر کے 2 روزہ سرکاری دورے کیلئے دوحہ پہنچ گئے ہیں جہاں قطری حکام نے وزیر اعظم کا استقبال کیا۔

تفصیلات کے مطابق وزیر اعظم شہباز شریف آج قطر کے 2 روزہ سرکاری دورے کیلئے قطری دارالحکومت دوحہ کے حماد انٹرنیشنل ائیرپورٹ پر پہنچے۔ دفترِ خارجہ کا کہنا ہے کہ پاکستان اور قطر کے مابین دوستانہ تعلقات کی بنیادیں گہری ہیں۔

یہ بھی پڑھیں:

شرح سود 15 فیصد پر برقرار، مانیٹری پالیسی جاری 

دفترِ خارجہ کا کہنا ہے کہ وزیر اعظم قطر کے 2 روزہ سرکاری دورے کے دوران قطری حکام سے ملاقاتیں کریں گے جن میں توانائی، تجارتی اور سرمایہ کاری کے تعلقات کو فروغ دینے اور دو طرفہ تعاون پر تبادلۂ خیال کیا جائے گا۔

Prime Minister 🇵🇰 Shehbaz Sharif arrives at Doha for his 2-day official visit to Qatar 🇶🇦 pic.twitter.com/ThJRm1i78u

— PMLN (@pmln_org) August 23, 2022

ترجمان دفترِ خارجہ عاصم افتخار نے کہا کہ قطر میں پاکستانیوں کیلئے روزگار کے وسیع مواقع تلاش کرنے پر تبادلۂ خیال کیا جائے گا جبکہ وزیر اعظم شہباز شریف کو فیفا ورلڈ کپ کی تیاریوں کے متعلق بریفنگ بھی دی جائے گی۔

واضح رہے کہ وزارتِ عظمیٰ کا منصب سنبھالنے کے بعد شہباز شریف کا یہ پہلا دورہ ہے جو 24 اگست تک جاری رہے گا۔ پاکستان اور قطر کے مابین تعلقات کی بنیادیں مذہبی و ثقافتی بنیادوں پر استوار ہیں۔