تجارتی خسارہ کم ہوا، درآمدات میں کمی، برآمدات سب سے زیادہ ہیں۔وزیراعظم

اسلام آباد: وزیر اعظم عمران خان نے کہا ہے کہ گزشتہ ماہ تجارتی خسارہ کم ہوا، درآمدات میں بھی کمی ہوئی جبکہ برآمدات سب سے زیادہ رہی ہیں۔

سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ کرنٹ اکاؤنٹ خسارہ کم کرنے کیلئے اٹھائے گئے اقدامات کا پھل مل رہا ہے۔ تجارتی خسارہ فروری کے دوران 0.5 ارب ڈالررہا۔

یہ بھی پڑھیں:

گوادر کو خطے کا معاشی مرکز بنانے کیلئے کوششیں جاری رکھیں گے، وزیراعظم

ٹوئٹر پیغام میں وزیر اعظم عمران خان نے کہا کہ تازہ ترین تجارتی خسارہ جنوری کے مقابلے میں 2 ارب ڈالر کم ہے جبکہ رواں مالی سال کے دوران تجارتی خسارہ سب سے کم رہا۔ برآمدات کم و بیش سب سے زیادہ رہیں۔

Timely actions to contain current account deficit bear fruit.Deficit shrank to only $0.5bn in Feb,$2bn lower than in Jan & lowest monthly deficit so far this fiscal yr.Exports close to all-time high & imports down 21% from their peak & strong growth in large scale manufacturing.

— Imran Khan (@ImranKhanPTI) March 19, 2022

وزیر اعظم عمران خان نے پی ٹی آئی حکومت کے کارناموں پر روشنی ڈالتے ہوئے کہا کہ ملکی درآمدت اپنے عروج سے 21 فیصد گر گئی ہیں جبکہ لارج اسکیل مینوفیکچرنگ کے شعبے میں اچھی شرحِ نمو نظر آتی ہے۔ 

خیال رہے کہ اس سے قبل وزیراعظم عمران خان نے کہا کہ پاکستان اور چین گوادر کو خطے کا معاشی مرکز بنانے کیلئے کوششیں جاری رکھیں گے۔

وزیراعظم عمران خان نے گزشتہ ماہ چین کے قومی ترقی اور اصلاحاتی کمیشن کے چیئرمین سے ملاقات کی جس میں سی پیک کے جاری منصوبوں اور مستقبل کے اقدامات کا جائزہ لیا گیا۔