نیوزی لینڈ کی وزیراعظم جیسنڈا آرڈرن کا گرمیوں میں شادی کافیصلہ

ویلنگٹن:نیوزی لینڈ کی وزیراعظم نے رواں برس گرمیوں میں باضابطہ طور پر شادی کرنے کا فیصلہ کرلیا۔

بین الاقوامی میڈیا کا کہنا ہے کہ جیسنڈا نے شادی کی باضابطہ تاریخ کا اعلان نہیں کیا گیا بس یہ بتایا گیا ہے کہ وہ بوائے فرینڈ سے رواں برس گرمیوں میں شادی کرلیں گی۔

میڈیا رپورٹس کے مطابق جیسنڈا اپنی شادی روایتی دھوم دھام سے کرنے کا ارادہ نہیں رکھتیں کیونکہ جیسنڈا کا ماننا ہے کہ ان کی یہ سب کرنے کی عمر نہیں۔

40 سالہ جیسنڈا 44 سالہ کلارک گیفولڈ کے ساتھ رشتہ ازدواج میں منسلک ہوں گی جو ایک ٹی وی شو کے میزبان ہیں۔خیال رہے کہ جیسنڈا نے مئی 2019 میں اپنی منگنی کا اعلان کیا تھا۔ اب ان کی 2 برس کی بیٹی بھی ہے۔

جیسنڈا آرڈرن اور کلارک گیفولڈ کی ملاقات 7سال قبل اس وقت ہوئی تھی، جب کلارک پارلیمان میں کسی قانونی تبدیلی کے حوالے سے اپنی شکایت درج کروانے آئے تھے۔

اس اچانک ملاقات کے بعد اس وقت لیبر پارٹی کی ابھرتی ہوئی سیاست دان جیسنڈا اور کلارک نے کچھ کافی وغیرہ پی اور جلد ہی انہوں نے ساتھ رہنے کا فیصلہ کرلیا۔

مزید پڑھیں: نیوزی لینڈ اور چین کے مابین اختلافات پر مفاہمت مشکل ہوتی جارہی ہے۔جیسنڈا آرڈن