نیب نے وزارت داخلہ کو احسن اقبال کا نام ای سی ایل میں ڈالنے کے لیے خط دیا

اسلام آباد: قومی احتساب بیورو (نیب) نے سابق وزیر داخلہ و مسلم لیگ (ن) کے جنرل سیکرٹری احسن اقبال کا نام ایگزٹ کنٹرول لسٹ (ای سی ایل) پر ڈالنے کی سفارش کردی ہے۔

نیب کی جانب سے وزارت داخلہ کو لکھے گئے خط میں موقف اختیار کیا گیا کہ احسن اقبال کا ای سی ایل میں ڈالا جائے تاکہ وہ بیرون ملک فرار نہ ہو جائیں۔

خیال رہے کہ مسلم لیگ ن کے سیکریٹری جنرل احسن اقبال کے خلاف نارووال اسپورٹس کمپلیکس کا کیس احتساب عدالت میں زیرسماعت ہے جبکہ اس کیس میں وہ ہائیکورٹ سے ضمانت پر ہیں۔

یہ بھی پڑھیں : پاکستان آئندہ ماہ سے”کین سائینو” کورونا ویکسین تیار کرے گا، این آئی ایچ حکام

نیب کی جانب سے احسن اقبال کا نام ایگزٹ کنٹرول لسٹ (ای سی ایل) پر ڈالنے کی سفارش پر مسلم لیگ ن کے رہنما اور سابق وفاقی وزیر احسن اقبال نے اپنے ردعمل میں کہا ہے کہ ان کا پاسپورٹ تو اپنی تحویل میں لے رکھا ہے ، پھر باہر کیسے جانا ؟ نالائقوں میرا پاسپورٹ کہیں گم تو نہیں کر دیا۔