میڈیکل رپورٹ میں ٹک ٹاکرعائشہ اکرم پر حملے کی تصدیق، زخموں کے نشان مل گئے

لاہور: جشن آزادی کے موقع پر اقبال پارک میں مینار پاکستان کے قریب ہراسانی کا شکار ہونیوالے ٹک ٹاکر عائشہ اکرم کی میڈیکل رپورٹ میں حملے کی تصدیق ہوگئی۔

گریٹر اقبال پارک میں ہراساں کی جانے والی خاتون ٹک ٹاکرعائشہ اکرم کا میڈیکل مکمل کرلیا گیا۔پولیس کے مطابق متاثرہ خاتون عائشہ اکرم کا میڈیکل نواز شریف ہسپتال یکی گیٹ میں کیا گیا جس میں خاتون کے جسم پر سوزش اور زخموں کے نشانات پائے گئے ہیں۔

یوم آزادی کے موقع پر مینار پاکستان پر 400 افراد کے ہجوم کی طرف سے مبینہ طور پر ہراساں کی جانے والی عائشہ اکرم کا طبی معائنہ مکمل کر لیا گیا ہے جس میں بتایا گیا ہے کہ ٹک ٹاکر کوجسمانی حملے کا نشانہ بنایاگیا۔

دنیا نیوز کے مطابق متاثرہ خاتون کے طبی جائزے میں بتایا گیا کہ عائشہ اکرم پر جسمانی حملہ کیا گیا۔ رپورٹ میں انکشاف کیا گیا کہ عائشہ کے جسم پر کئی خراشیں تھیں اور خاتون کی گردن اور ہاتھ پر چوٹیں بھی موجود تھیں۔

مزید پڑھیں:عائشہ اکرم سے ہراسانی نے خلیل الرحمان قمر کو خواتین کے حق میں بولنے پر مجبور کردیا

اطلاعات کے مطابق عائشہ اکرم کا دایاں ہاتھ اور گردن بری طرح سوج گئی تھی۔ اس کی کمر اور پاؤں خروچ سے بھرے ہوئے ہیں جبکہ خاتون کے سینے کے دائیں جانب کئی خراشوں کے نشان تھے۔

واضح رہے کہ مینارپاکستان واقعہ کے بعد متاثرہ خاتون عائشہ اکرم کے حوالے سے نئی باتیں بھی منظرعام پر آرہی ہیں۔ ذرائع کا کہنا ہے کہ خاتون کے ساتھ موجود تقریباً یہی اسکے دوست اور اس کی ٹیم کے ممبران تھےجبکہ اس واقعے سے دو روز قبل ٹک ٹاکر خاتون اور اسکے مبینہ منگیتر کا ٹک ٹاک اکاؤنٹ رپورٹنگ کروا کر معطل کروا دیا گیا تھا۔

خاتون کا یوٹیوب اکاؤنٹ بھی چند سو ویوز سے آگے نہیں بڑھ رہا تھاجس کی وجہ سے انکے پاس منفی پبلسٹی کے علاوہ اتنی جلدی دوبارہ فالوونگ اور ویورشپ حاصل کرنا ممکن نہیں تھا جس کی وجہ سے انہوں نے بے بنیاد پروپیگنڈا کیا۔