گوگل نیوز پر ہمیں فالو کریںکراچی: وزیراعلی سندھ سید مراد علی شاہ نے واضح کیا ہے کہ صوبہ سندھ پیر سے لاک ڈاؤن ختم نہیں کررہا ہم کچھ اضافی پابندیوں بالخصوص ہاٹ سپاٹ پر لاک ڈاؤن کے دوسرے مرحلے میں داخل ہورہے ہیں، انہوں نے کہا کہ غلط خبریں پھیلائی جارہی ہیں کہ لاک ڈاؤن ختم ہورہا ہے۔
وضاحتی بیان میں وزیراعلیٰ سندھ نے کہا کہ کچھ میڈیا چینلز یہ تاثر دے رہے ہیں کہ لاک ڈاؤن پیر کے روز سے ختم ہورہا ہے جو سراسر غلط ہے، اس میں کوئی صداقت نہیں ہے۔ انہوں نے کہا کہ ہم دوسرے مرحلے میں داخل ہورہے ہیں جس کے تحت ہاٹ سپاٹ پر سخت کنٹرول شروع کرنے جارہے ہیں۔
تاہم دوسرے مرحلہ میں تعمیراتی شعبوں کو معمولی چھوٹ دی جائے گی اور محلوں میں الگ تھلگ دکانوں کو حکومت کے جاری کردہ ایس او پیز کے تحت کام کرنے کی اجازت ہوگی۔
وزیر اعلیٰ سندھ نے واضح کیا کہ ہوائی جہاز، ٹرین اور پبلک ٹرانسپورٹ بند رہے گی، ہمارا لاک ڈاؤن ہمارے ڈیٹا سے منسلک ہے، ہمارے صوبائی صحت کی صلاحیت اس وقت 20 فیصد ہے، ہم اپنی صلاحیت کے مطابق اپنے حفاظتی اقدامات کو مستقل طور پر ایڈجسٹ کریں گے۔
ٹکرز برائے نشر / 8 مئی
وزیراعلیٰ سندھ سید مراد علی شاہ نے کہا ہے کہ پیر کو لاک ڈاؤن ختم نہیں ہو رہا
ہم پیر سے لاک ڈاؤن کے دوسرے فیز میں داخل ہونگے جس میں کچھ مزید سختیاں ہونگی ، وزیراعلیٰ سندھ
اسپتالوں میں مزید سختیاں ہونگی، مراد علی شاہ
— Sindh Chief Minister House (@SindhCMHouse) May 8, 2020
