گوگل نیوز پر ہمیں فالو کریںاسلام آباد: ترجمان دفتر خارجہ نے آزاد کشمیر انتخابات سے متعلق بھارتی دفتر خارجہ کے بیانات کو مسترد کردیا ہے۔
ترجمان دفتر خارجہ زاہد حفیط چوہدری کی جانب سے جاری ہونے والے اعلامیے میں کہا گیا ہے کہ آزاد کشمیر کے انتخابات سے متعلق بھارتی دفترخارجہ کی جانب سے آزاد کشمیر انتخابات کے حوالے سے بیان پر بھارتی ناظم الامور کو دفتر خارجہ طلب کیا گیا تھا۔
ترجمان دفترخارجہ نے بھارتی ناظم الامور کو بتایا کہ آزاد کشمیر میں انتخابات سے متعلق بھارتی بیان حقائق کے منافی ہے، آزاد کشمیر کے عوام آزادانہ انتخابات سے مستفید ہو رہے ہیں جب کہ مقبوضہ کشمیر بھارتی قبضے میں خون میں نہایا ہوا ہے۔
ترجمان نے بتایا کہ بھارتی ناظم الامور پر مقبوضہ جموں و کشمیر کے حوالے سے پاکستان کا مؤقف ایک مرتبہ پھر واضح کیا اور کہا کہ بھارت مقبوضہ کشمیر میں غیر قانونی قبضے کے حقائق چھپا نہیں سکتا۔
ترجمان دفتر خارجہ کے مطابق بھارت نے اپنے گھناؤنے ڈیزائن کی تکمیل کی خاطر مقبوضہ کشمیر میں دہائیوں سے انسانی حقوق کی سنگین خلاف ورزی کی۔
یہ بھی پڑھیں : راولپنڈی میں کورونا وائرس سے متاثرہ 4 مریض انتقال کرگئے، تعداد 1ہزار 27 ہو گئی
