گوگل نیوز پر ہمیں فالو کریںاسلام آباد: پاکستان نے کہا ہے کہ اگر بھارت میں ہندوتوا کی پرتشدد کارروائیاں بند نہ ہوئیں تو بھارت کے ٹکڑے ہوجائیں گے جو مودی کے لیے انتہائی شرم کا مقام ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر برائے پارلیمانی امور علی محمد خان نے کہا کہ بھارت میں پرتشدد واقعات کا رونما ہونا بھارت کے لیے شرمندگی کا باعث ہے۔
وفاقی وزیر برائے پارلیمانی امور علی محمد خان نے کہا کہ جب دنیا امریکی صدر ٹرمپ کے بھارتی دورے پر نظریں جمائے بیٹھی ہے، دہلی فسادات کی آگ میں جل رہا ہے۔
وزیر پارلیمانی امور علی محمد خان نے کہا کہ دہلی کو ریاستی دہشت گردی کا سامنا ہے جس میں اپنے دفاع سے محروم مسلمانوں کو تشدد کا نشانہ بنایا جارہا ہے اور انہیں قتل کیا جارہا ہے۔
علی محمد خان نے کہا کہ اگر بھارتی وزیر اعظم نریندر مودی نے ہٹلر کی راہ پر چلتے ہوئے ہندوتوا کی پرتشدد کارروائیاں بند نہ کیں تو بھارت کے ایک ہزار ٹکڑے ہوجائیں گے۔
A true shame for India.
When the world is watching Trump’s Indian Visit, Delhi is burning under state terror of killings & lunchings Of defenceless Muslims
India will erupt from within into a 1000 pieces if Modi doesn’t stop his Hitler’s likeHindutva Vandalism
#GenocideInDelhi— Ali Muhammad Khan (@Ali_MuhammadPTI) February 26, 2020
یاد رہے کہ اس سے قبل صدرِ مملکت ڈاکٹر عارف علوی نے بھارت میں انتہا پسند ہندوؤں کے مسجد پر حملے پر ردِ عمل دیتے ہوئے کہا کہ بھارتی سیکولر قوتوں کو ظلم کے خلاف کھڑا ہونا چاہئے۔
سماجی رابطے کی ویب سائٹ ٹوئٹر پر اپنے پیغام میں گزشتہ روز صدر ڈاکٹر عارف علوی نے بھارتی علاقے اشوک نگر میں شام 6 بجے کے وقت مسجد کی بے حرمتی کی خبر شیئر کی۔
مزید پڑھیں: سیکولر قوتوں کو ظلم کے خلاف کھڑا ہونا پڑے گا۔ صدرِ مملکت
