گوگل نیوز پر ہمیں فالو کریںاسلام آباد: نگراں حکومت نے بجلی چوری اور بل ادا نہ کرنے والوں کے خلاف کریک ڈاؤن کا اعلان کردیا۔
نگراں وزیر توانائی محمد علی نے نگران وزیر اطلاعات مرتضیٰ سولنگی کے ہمراہ پریس کانفرنس کرتے ہوئے بجلی کی قیمتوں میں اضافے سے متعلق اظہار خیال کیا۔ انہوں نے کہا کہ جو بجلی کے بل ادا نہیں کرتے ان سے ریکوری کریں گے۔
محمد علی خان کا بجلی چوری کی روک تھام کیلئے کریک ڈاؤن کی ہدایت جاری کرتے ہوئے کہنا تھا کہ جب تک بجلی چوری ختم نہیں ہوتی سستی بجلی نہیں ملے گی۔ ہر علاقے میں الگ الگ سطح پر بجلی چوری ہورہی ہے، بجلی چوری یا بل ادا نہ کرنے کے باعث دیگر صارفین پر بوجھ پڑتا ہے۔
کراچی والوں کیلئے اچھی خبر، چینی کی قیمت میں کمی آگئی
انہوں نے کہا کہ اسلام آباد، لاہور، گوجرانوالہ، فیصل آباد اور ملتان ڈسکوز میں 100 ارب کا نقصان ہوتا ہے۔ ان پانچ ڈسکوز میں سے 3044 ارب کی بلنگ ہوتی ہے اور 100 ارب کا نقصان ہوتا ہے۔
نگراں وزیر توانائی نے کہا کہ بجلی چوری کی روک تھام کیلئے صوبائی سطح پر ٹاسک فورس بنائی جارہی ہے۔ 589 ارب کی بجلی چوری یا بل ادا نہیں کیےجارہے، آئی پی پیز کی کیپسٹی پیمنٹس فوری طور پر کم نہیں کی جارہیں، اس پر کام جاری ہے۔
