گوگل نیوز پر ہمیں فالو کریںاسلام آباد: شہر اقتدار کے سینٹورس مال میں آگ لگنے کے واقع کی ابتدائی رپورٹ 7 رکنی فیکٹ فائنڈنگ کمیٹی نے تیار کرلی۔
ذرائع کے مطابق واقع کی ابتدائی رپورٹ میں کہا گیا ہے کہ سینٹورس کے فوڈ کورٹ میں واقع ریسٹورینٹ میں کوکنگ آئل سمیت آگ بھڑکانے والا میٹریل اسٹور ہونے کی وجہ سے آگ پھیلی ہے۔
رپورٹ میں بتایا گیا ہے کہ شاپنگ مال کے ایمرجنسی ایگزٹ کی جگہ مناسب روشنی کا انتظام نہیں تھا، 200 فٹ تک اونچائی سے آگ بجھانے کے لیے فائر وہیکل برانٹو کا استعمال کیا گیا۔
کراچی، فائر بریگیڈ ملازمین کے قتل میں گرفتار ملزم سی ٹی ڈی کا سابق اہلکار نکلا
فیکٹ فائنڈنگ کمیٹی کی جانب سے تیار کی گئی رپورٹ میں کہا گیا ہے کہ سترہویں منزل سے اوپر آگ بجھانے میں فائر فائٹرز کو شدید مشکلات کا سامنا کرنا پڑا، مال کی ٹاپ فلور تک شیشہ تھا لیکن وینٹیلیشن کی جگہ نہیں تھی جس کی وجہ سے دھواں بھرگیا اور درجہ حرارت میں اضافہ ہوتا گیا اور یہ بھی بتایا گیا کہ ایم سی آئی کے شعبہ فائر بریگیڈیر کے پاس ہیومن ریسوس کی کمی تھی۔
ابتدائی رپورٹ میں شاپنگ مال میں آئندہ ایسے واقعات کو روکنے کے لیے تجاویز بھی دی گئی ہیں۔
مزید برآں رپورٹ میں یہ تجویز بھی دی گئی ہے کہ مال میں فائر اسموکنگ الارم جیسے جدید آلات نصب کرنے اور ٹاپ فلور پر وینٹیلیشن کے انتظام کیے جائیں۔
