گوگل نیوز پر ہمیں فالو کریںاسلام آباد: وزارت داخلہ نے پاکستان تحریک انصاف کے چیئرمین عمران خان پر فائرنگ کے واقعے پر پنجاب حکومت کو خط لکھ دیا۔
وزارت داخلہ نے چیف سیکرٹریز، ایڈیشنل چیف سیکرٹری اور آئی جی پنجاب کے نام خط لکھا ہے، جس میں ہائی پروفائل کیس میں مس ہینڈلنگ پر خدشات کا اظہار کیا گیا۔
خط میں کہا گیا ہے کہ 36 گھنٹے گزر جانے کے باوجود ایف آئی آر درج نہیں ہوئی، عمران خان کا میڈیکولیگل ٹیسٹ ابھی تک نہیں ہوا، اسلحے کے حوالے سے بھی کوئی اپڈیٹ نہیں ہے، کرائم سین کو بھی محفوظ نہیں کیا گیا، متاثرین کے زخموں کی نوعیت کے حوالے سے بھی کوئی معلومات نہیں۔
خط میں درخواست کی گئی ہے کہ پنجاب حکومت فوری طور پر درست تناظر میں کیس درج کرے۔
رانا ثناء اللہ کی نیب تحقیقات ختم کرنے کی درخواست منظور
خیال رہے کہ 3 نومبر کو لانگ مارچ کے دوران وزیر آباد میں قاتلانہ حملے میں سابق وزیرِ اعظم عمران خان فائرنگ سے زخمی ہوگئے تھے۔
فائرنگ کے واقعے میں ایک شخص جاں بحق اور پی ٹی آئی چیئرمین عمران خان و دیگر رہنماؤں سمیت 13 افراد زخمی ہوئے تھے۔
فائرنگ کرنے والے شخص نوید کو بعد میں کنٹینر کے قریب سے پکڑ لیا گیا تھا جس نے عمران خان پر فائرنگ کا اعتراف بھی کیا تھا۔
سابق وزیراعظم عمران خان پر قاتلانہ حملے کا مقدمہ اب تک درج نہیں ہوسکا ہے۔
