گوگل نیوز پر ہمیں فالو کریںکوئٹہ: وزیر اعظم کے معاونِ خصوصی برائے امورِ صحت ڈاکٹر ظفر مرزا آج کوئٹہ پہنچ گئے جہاں انہوں نے کورونا وائرس خدشات کے پیش نظر پیدا ہونےوالی صورتحال کا جائزہ لیا۔
سماجی رابطے کی ویب سائٹ ٹوئٹر پر اپنے پیغام میں دورۂ کوئٹہ کا احوال بیان کرتے ہوئے معاونِ خصوصی صحت ڈاکٹر ظفر مرزا نے بتایا کہ کوئٹہ میں ان کی وزیر اعلیٰ بلوچستان جام کمال خان سے ملاقات ہوئی۔
اپنے پیغام میں ڈاکٹر ظفر مرزا نے کہا کہ میں نے فہم و فراست کے مالک وزیر اعلیٰ بلوچستان جام کمال خان اور ان کی باصلاحیت ٹیم سے کوئٹہ میں ملاقات کی۔
ملاقات کے دوران ڈاکٹر ظفر مرزا نے کورونا وائرس سے مؤثر طریقے سے نمٹنے کے لیے تیاریوں کا جائزہ لیا۔ ڈاکٹر ظفر مرزا کے مطابق بلوچستان میں بہت سے اقدامات اٹھائے گئے، تاہم مزید اقدامات اٹھانے کی گنجائش بھی موجود ہے۔
225/ Spent time in Quetta with dynamic Cheif Minister Jam Kamal and his dedicated team and reviewed preparations to effectively address #COVIDー19. A lot is being done in Baluchistan – much more needs to be done. pic.twitter.com/z6sFcqow2G
— Zafar Mirza (@zfrmrza) February 28, 2020
یاد رہے کہ اس سے قبل کراچی اور وفاقی دارالحکومت میں کورونا کے کیسز کی تصدیق کے بعد بلوچستان اور سندھ سمیت ملک بھر میں حکام وائرس سے نمٹنے کے لیے تیار ہو گئے۔
ایک طرف سندھ حکومت نے کل اور آج یعنی دو روز کے لیے اسکولوں میں تعطیل کا اعلان کیا جبکہ بلوچستان کی صوبائی حکومت نے بھی گزشتہ روز تعلیمی اداروں کو 15 مارچ تک بند کرنے کا اعلان کیا۔
مزید پڑھیں: سندھ اور بلوچستان حکومتیں کورونا وائرس سے نمٹنے کیلئے تیار
