والد کو دل کا دورہ پڑ گیا، فیصل واؤڈا کی عوام سے دعا کی درخواست

اسلام آباد: پاکستان تحریکِ انصاف کے سینئر مرکزی رہنما و سینیٹر کے والد کو دل کا دورہ پڑ گیا، فیصل واؤڈا نے عوام سے دعاؤں کی درخواست کی ہے۔

سماجی رابطے کی ویب سائٹ ٹوئٹر پر اپنے پیغام میں سینیٹر فیصل واؤڈا نے کہا کہ ابھی ابھی والد صاحب کو ہارٹ اٹیک کی اطلاع ملی۔ انہیں فوری طور پر ایمرجنسی وارڈ منتقل کیاجارہا ہے۔

ابھی ابھی والد صاحب کو ہارٹ اٹیک کی اطلاع ملی، انہیں فوری طور پر ایمرجنسی وارڈ منتقل کیا جا رہا ہے، میں خود صبح پہلی دستیاب پرواز کے ذریعے اسلام آباد سے کراچی روانہ ہوں گا! آپ سب سے والد صاحب کی صحت اور سلامتی کیلئے خصوصی دعاووں کی درخواست ہے!

— Faisal Vawda (@FaisalVawdaPTI) January 17, 2022

 سینیٹر فیصل واؤڈا نے کہا کہ میں صبح پہلی دستیاب پرواز کے ذریعے اسلام آباد سے کراچی روانہ ہوجاؤں گا۔ آپ سب سے والد صاحب کی صحت اور سلامتی کیلئے خصوصی دعاؤں کی درخواست ہے۔

یہ بھی پڑھیں:

فیصل واؤڈاکی کامیابی کانوٹیفیکیشن روکنے کیلئے درخواست دائر

دوسری جانب سینیٹر فیصل واؤڈا نے ن لیگی رہنماؤں کے راز کھول دئیے۔ پی ٹی آئی کے سینئر مرکزی رہنما نے کہا کہ ن لیگ کے شاہد خاقان عباسی وزیر اعظم بننے کے خواہش مند ہیں۔

سینیٹر فیصل واؤڈا نے نجی ٹی وی پروگرام میں گفتگو کرتے ہوئے کہا کہ شاہد خاقان عباسی کے ساتھ ساتھ احسن اقبال، مفتاح اسماعیل اور ایاز صادق بھی وزیر اعظم بننے کی دوڑ میں شامل ہیں۔

سیاسی مخالفین کے خلاف گفتگو کرتے ہوئے فیصل واؤڈا کا کہنا تھاکہ ن لیگی ہر وقت بکنے کو تیار ہیں۔ خواجہ آصف اپنی ہی جماعت میں بے نقاب ہوگئے۔ ن لیگ کس اصول کی بات کرتی ہے؟