گوگل نیوز پر ہمیں فالو کریںپی ٹی وی اسپورٹس کے ڈائریکٹر اور ٹاک شو کے میزبان ڈاکٹر نعمان نیاز کے والد لیفٹیننٹ جنرل حامد نیاز انتقال کر گئے ہیں۔ ان کی عمر 86سال تھی۔
سماجی رابطے کی ویب سائٹ ٹوئٹر پر اپنے پیغام میں ڈائریکٹر پی ٹی وی اسپورٹس ڈاکٹر نعمان نیاز نے کہا کہ 19ویں پی ایم اے لانگ کورس سے میرے والد لیفٹیننٹ جنرل حامد نیاز 86برس کی عمر میں انتقال کر گئے ہیں۔
گلوکارہ زیب بنگش کا نیا گانا تم ساتھ ہو ریلیز کردیا گیا
اجے دیوگن 2024 میں بھارت چھوڑنے کا فیصلہ کرچکے ہیں۔کے آر کے
ٹوئٹر پیغام میں ڈاکٹر نعمان نیاز نے والد کے انتقال پر گہرے رنج و غم کا اظہار کرتے ہوئے کہا کہ لیفٹیننٹ جنرل حامد نیاز صرف والد نہیں تھے بلکہ وقار اور ایمانداری کے اعلیٰ ترین معیارات کے حامل انسان تھے جو انسانیت کے حقیقی مرتبے پر فائز تھے۔
اپنے والد کے انتقال پر شدتِ غم کا اظہار کرتے ہوئے ڈاکٹر نعمان نیاز نے کہا کہ میں اپنے والد کے بغیر کھوکھلا ہوگیا ہوں اور تصور بھی نہیں کرسکتا کہ لیفٹیننٹ جنرل حامد نیاز ہمیں چھوڑ کر دارِ فانی کی طرف کوچ کر گئے ہیں۔
My father Lieutenant General Hamid Niaz 19th PMA Long course has passed away, aged 86 years. Not only a father he was a man highest on integrity & honesty.A real man, he was. I am a popper without him. I can’t imagine he has left us 🙏 pic.twitter.com/t61meiFOsF
— Dr. Nauman Niaz (@DrNaumanNiaz) December 7, 2021
انتقال سے قبل ڈاکٹر نعمان نیاز کے والد کے بیمار اور زیرِ علاج رہنے کا انکشاف بھی سامنے آیا۔ ٹوئٹر پیغام میں ڈاکٹر نعمان نیاز نے کہا کہ میں گھر واپسی کی پرواز میں سوار ہونے کا منتظر ہوں جبکہ میرے والد وینٹی لیٹر پر ہیں۔
ٹوئٹر پیغام سے ظاہر ہوتا ہے کہ لیفٹیننٹ جنرل حامد نیاز شدید بیمار ہونے کے باعث وینٹی لیٹر پر زیرِ علاج تھے۔ ڈاکٹر نعمان نیاز کا کہنا تھا کہ میرے والد وہ شخص ہیں، جنہون نے بدحالی پر قابو پانے میں میری بہت مدد کی۔
I sit at the Heathrow waiting to board the flight back home. My father, a benefactor, friend & someone who helped me live through my malignancy is on ventilator. I am not strong. I am a frail erring human. I beg for your prayers. Hate me. My dad has just been an impeccable man 🙏
— Dr. Nauman Niaz (@DrNaumanNiaz) December 7, 2021
والد کی صحت کی خرابی پر افسوس کا اظہار کرتے ہوئے ڈاکٹر نعمان نیاز کا کہنا تھاکہ میں کوئی مضبوط انسان نہیں بلکہ ایک کمزور اور گمراہ شخص ہوں جو آپ سے دعاؤں کی درخواست کر رہا ہے۔ چاہے آپ مجھ سے نفرت کریں، میرے والد ایک معصوم انسان رہے ہیں۔
