گوگل نیوز پر ہمیں فالو کریںاسلام آباد: قانون نافذ کرنے والے اداروں اے این ایف، ائیرپورٹ سکیورٹی فورس اور ایف سی نے کارروائی کرتے ہوئے بھاری مقدار میں منشیات برآمد کیں۔ ملزمان کو گرفتار کرلیا گیا ہے۔
تفصیلات کے مطابق اے این ایف کا منشیات کے خلاف کارروائیوں کا سلسلہ جاری ہے۔ اسلام آباد انٹرنیشنل ائیرپورٹ پر سعودی عرب جانے والے مسافروں کے پیٹ سے کیپسولز برآمد کر لیے گئے۔
بھکر کے رہائشی ملزم کے پیٹ سے 135 جبکہ خاتون سے 10 ہیروئن بھرے کیپسولز برآمد کیے گئے جبکہ حیدر آباد میں 2 ملزمان کے قبضے سے 10کلوگرام چرس بھی برآمد کی گئی۔
ایف سی اور اے این ایف کی مشترکہ کارروائی کے دوران اوکزئی سے 16کلو 800 گرام چرس برآمد ہوئی۔ ملزمان کو گرفتار کرکے انسدادِ منشیات ایکٹ کے تحت مقدمات درج کر لیے گئے۔ تحقیقات جاری ہیں۔
ائیرپورٹ سکیورٹی فورس نے لاہور ائیرپورٹ پر کارروائی کرتے ہوئے جدہ جانے والے مسافروں سے 786گرام سے زائد آئس ہیروئن برآمد کر لی۔ سیف اللہ اور بشیراں بی بی نے ہیروئن چھپا رکھی تھی۔
حکام کا کہنا ہے کہ ملزمان نے آئس ہیروئن ٹرالی بیگ میں مہارت سے چھپائی تاہم اے ایس ایف کے عملے نے سامان تلاشی کے دوران منشیات برآمد کرکے اسمگلنگ کی کوشش ناکام بنا دی۔
