گوگل نیوز پر ہمیں فالو کریںجنیوا: دُنیا بھر میں کورونا سے 21 کروڑ 26 لاکھ افراد متاثر ہوئے ہیں جبکہ وائرس میں مبتلا 44 لاکھ 46 ہزار سے زائد افراد ہلاک ہو گئے۔
تفصیلات کے مطابق دُنیا کے 200سے زائد ممالک اور خطوں میں کورونا سے مجموعی طور پر 21کروڑ 26لاکھ 81 ہزار 275 افراد متاثر ہوئے جبکہ وائرس کا شکار 44لاکھ 46ہزار 651افراد جان کی بازی ہار گئے۔
یہ بھی پڑھیں: فلائٹ لیفٹیننٹ ڈاکٹر ماہ نور فرزند کورونا کے باعث جاں بحق
وائرس سے متاثرہ 1 لاکھ 11 ہزار 614 افراد کی حالت تشویشناک ہے جبکہ دنیا بھر میں کورونا کے فعال کیسز کی تعداد 1 کروڑ 79لاکھ 31 ہزار216 ہو گئی۔وائرس کے1 کروڑ 78 لاکھ 19 ہزار602 مریضوں کو معمولی تکالیف کا سامنا ہے۔
دُنیا بھر میں 19 کروڑ 3لاکھ 3 ہزار408 افراد کورونا سے صحتیاب ہوچکے ہیں۔سب سے زیادہ 3 کروڑ 85لاکھ 45 ہزار144 افراد امریکا میں جبکہ 3 کروڑ 24لاکھ 49 ہزار 306 افراد بھارت میں وائرس کا شکار ہوئے۔
امریکا میں کورونا کے باعث 6لاکھ 45 ہزار58 افراد جان کی بازی ہار گئے جبکہ بھارت میں وائرس کا شکار4 لاکھ 34 ہزار784 افراد جاں بحق ہوئے۔ برازیل میں 2 کروڑ 5لاکھ 70 ہزار891 افراد متاثر جبکہ 5 لاکھ 74ہزار574 انتقال کر گئے۔
قبل ازیں دنیا بھر میں کورونا سے 1 لاکھ ہلاکتیں 79 دنوں میں جبکہ 10 لاکھ ہلاکتیں 235 روز میں ہوئیں۔اموات کی تعداد 10 سے 20 لاکھ تک پہنچنے میں 118 مزید دن لگے۔اگلی 10لاکھ ہلاکتیں 91 جبکہ 40 لاکھ ہلاکتیں 523 دن میں ہوئیں۔
خیال رہے کہ اِس سے قبل پاکستان میں کورونا سے 11 لاکھ 27 ہزار 584 افراد متاثر ہوئے جبکہ وائرس کا شکار 25 ہزار 3افراد انتقال کر گئے۔
نیشنل کمانڈ اینڈ آپریشن سینٹر (این سی او سی) کے جاری کردہ اعدادوشمار کے مطابق ملک بھر میں گزشتہ 24 گھنٹوں کے دوران کورونا کے 3 ہزار 772 نئے کیسز رپورٹ ہوئے جبکہ وائرس میں مبتلا 80 مزید شہری جاں بحق ہوئے۔
کورونا کی تشخیص کیلئے گزشتہ 24 گھنٹوں کے دوران 53 ہزار881 ٹیسٹ کیے گئے جس سے مجموعی ٹیسٹس کی تعداد 1 کروڑ 72 لاکھ 76 ہزار450 ہوگئی۔ملک بھر میں کورونا ٹیسٹ کا نتیجہ مثبت آنے کی شرح 7 فیصد ریکارڈ کی گئی۔
مزید پڑھیں: کورونا سے 11لاکھ 27ہزارافرادمتاثر، اموات25ہزارسے تجاوز کرگئیں
