چین رواں مالی سال کے دوران پاکستان کے سب سے بڑے تجارتی شراکت دار کے طور پر برقرار

اسلام آباد: چین مالی سال 23-2022 میں پاکستان کے سب سے بڑے تجارتی شراکت دار کے طور برقرار ہے۔

سرکاری ذرائع کے مطابق رواں مالی سال 23-2022 کی پہلی سہ ماہی کے دوران چین پاکستان کا سب سے بڑا تجارتی شراکت دار اور سرفہرست سرمایہ کار رہا جس نے مالی سال کے پہلے پانچ مہینوں میں 102.5 ملین ڈالر یعنی پاکستان کے ایف ڈی آئی میں 23.83 فیصد حصہ ڈالا۔

یہ بھی پڑھیں:

مالی سال کے پہلے 7 ماہ میں قرضوں میں 7.2 ٹریلین روپے کا اضافہ ہوا

چین پاکستان اقتصادی راہداری (سی پیک) کے تحت خصوصی اقتصادی زونز (ایس ای زیز) کے قیام سے یہ توقع کی جا رہی ہے کہ مستقبل میں نہ صرف چین بلکہ دیگر ممالک سے بھی پاکستان میں مزید ایف ڈی آئی آئے گی۔

دوسری جانب متحدہ عرب امارات کی حکومت نے پاکستان میں بڑی سرمایہ کاری کا اعلان کردیا۔

گزشتہ دنوں دبئی میں پاکستان بز نس کونسل کی تقریب میں اماراتی حکومت کے پاکستان میں تین بڑے سرمایہ کاری منصوبوں سے آگاہ کیا گیا۔ جن کی مالیت کا تخمینہ ایک ارب ڈالرز سے زائد ہے۔