آج کا دن ایثار اور قربانی کا درس دیتا ہے، آصف زرداری اور بلاول بھٹوکا عید پر پیغام

کراچی: پیپلزپارٹی کے چیئرمین بلاول بھٹو زرداری اور شریک چیئرمین پیپلزپارٹی وسابق صدر مملکت آصف علی زرداری نے قوم کو عید الاضحی کی مبارکباد پیش کرتے ہوئے کہا ہے کہ آج کا دن ایثار اور قربانی کا درس دیتا ہے۔

آج کا دن ایثار اور قربانی کا درس دیتا ہے ،آصف زرداری

مہذب معاشرہ قائم کرنے صبر ،برداشت اور درگزر کرنے کے اصول اپنانے ہونگے ،آصف زرداری

— PPP (@MediaCellPPP) July 21, 2021

آصف علی زرداری نے قوم کو عیدالاضحی کی مبارک باد پیش کرتے ہوئے اپنے پیغام میں کہا کہ عید کی خوشیوں میں ان بہنوں بھائیوں کو بھی شامل کیا جائے جو امداد کے مستحق ہیں، مہذب معاشرہ قائم کرنے صبر ،برداشت اور درگزر کرنے کے اصول اپنانا ہونگے۔

مزید پڑھیں:قربانی کا جذبہ راہ راست سے بھٹکنے نہیں دیتا ہے،صدر ،وزیر اعظم

پی پی پی چیئرمین بلاول بھٹو زرداری کا عیدالاضحیٰ پر پیغام

پاکستان سمیت پوری امتِ مسلمہ کو دل کی گہرائیوں سے عیدالاضحیٰ کی مبارکباد پیش کرتا ہوں: بلاول بھٹو زرداری@BBhuttoZardari #عيد_اضحى_مبارك #EidMubarak

— PPP (@MediaCellPPP) July 21, 2021

چیئرمین پیپلزپارٹی بلاول بھٹو زرداری کا کہنا کہ میں دعاگو ہوں کہ عیدالاضحی کا مقدس دن نہ صرف ہماری قوم بلکہ پوری دنیا کے لیئے ایک خوشیوں سے بھرے مستقبل کی نوید بنےدعا ہے، یہ مقدس دن انسانی ذات کے لئے ایسی قوت و یقین کا سبب بنے کہ وہ اپنے تمام اختلافات دفن کرکے کرہِ ارض کو امن کا گہوارہ بنادیں۔

پی پی پی چیئرمین نے ملک کی مسلح افواج، پولیس اور سویلین انتظامیہ کے شہدا کے اہلخانہ سے یکجہتی کا اظہار کرتے ہوئے کہا کہ مسلح افواج، پولیس اور سویلین انتظامیہ کے شہداء نے ملک و قوم کے تحفظ کی خاطر اپنی جانیں قربان کردیں،افواج پاکستان کے جوانوں اورپاکستان سمیت پوری امتِ مسلمہ کو دل کی گہرائیوں سے عیدالاضحی کی مبارکباد پیش کرتا ہوں۔