گوگل نیوز پر ہمیں فالو کریںلندن:معروف برطانوی نشریاتی ادارے نے ہر سال کی طرح اس سال بھی دنیا بھر کی 100 متاثر کن خواتین کی فہرست جاری کردی، جس میں نصف تعداد افغان عورتوں کی ہے جب کہ تین پاکستانی خواتین بھی فہرست کا حصہ ہیں۔
میڈیارپورٹس کے مطابق فہرست میں شامل خواتین کا انتخابات مختلف شعبہ جات سے کیا گیا ہے، رواں برس کلچر اینڈ ایجوکیشن، انٹرٹینمنٹ اینڈ اسپورٹس، پولٹکس اینڈ ایکٹوزم، سائنس اینڈ ہیلتھ اور افغانستان کی 5 کیٹیگریز میں خواتین کو تقسیم کیا گیا ہے۔
ہر سال چار کیٹیگریز میں خواتین کی نامزدگی کی جاتی ہے مگر اس بار خصوصی طور پر افغانستان کی الگ کیٹیگری بنائی گئی ہے، جس میں 50 افغان خواتین کو شامل کیا گیا ہے۔
فہرست میں تین پاکستانی جن میں نوبیل انعام یافتہ ملالہ یوسف زئی کو کلچر اینڈ ایجوکیشن عابیہ اکرم کو پولٹکس اینڈ ایکٹوزم جب کہ لیلیٰ حیدری کو ہیلتھ اینڈ سائنس کی کیٹیگری میں رکھا گیا ہے۔
دنیا کی 100 بااثر خواتین میں پاکستانی نژاد والدین کی بیٹی برطانوی سیاستدان نتاشا اصغر کو بھی شامل کیا گیا ہے۔فہرست میں شامل 100 خواتین میں سے مجموعی طور پر 50 خواتین کا تعلق افغانستان سے ہے اور انہیں تمام کیٹیگریز میں شامل کیا گیا ہے۔
علاوہ ازیں فہرست میں ایران، ترکی، بھارت، مصر، انڈونیشیا اور برطانیہ سمیت دیگر ممالک کی متاثر کن خواتین کو بھی رکھا گیا ہے۔
مزید پڑھیں: امریکا، افغان خواتین کے حقوق کے تحفظ کے لیے اقدامات اٹھائے، ملالہ
