گوگل نیوز پر ہمیں فالو کریںویسے تو دنیا بھر میں ذیابیطس کے مرض میں اضافہ ہورہا ہے، کسی کو ٹائپ ون تو کوئی خطرناک ٹائپ 2 کا شکار ہے لیکن پاکستان میں شوگر کے مریضوں کی تعداد دنیا بھر میں سب سے زیادہ ہے۔
جارجیا اسٹیٹ یونیورسٹی میں ریاضی اور شماریات کے شعبہ کے زیر اہتمام چلنے والے ایک ادارے ورلڈ آف اسٹیٹسٹکس کی جانب سے ایک تحقیق کی گئی ہے جس کے مطابق پاکستان میں شوگر کے مرض کی شرح 30.8 فیصد ہے۔
یہ بھی پڑھیں:
خاتون شیف نے 100 گھنٹے مسلسل کھانا پکا کر عالمی ریکارڈ قائم کر دیا
اس تحقیق میں 38 ممالک پر مشتمل ڈیٹا دیا گیا جس میں پاکستان کا پہلا نمبر ہے جبکہ دوسرا کویت جہاں ذیابیطس کا مرض 24.9 فیصد ہے اور تیسرے نمبر پر موجود مصر میں شوگر کا مرض 20.9 فیصد ہے۔
شوگر کے مریضوں کا سب سے کم تناسب نائیجیریا میں رہا جہاں یہ مرض 3.6 فیصد ریکارڈ کیا گیا۔
ادھر دنیا بھر میں ماہرین کی جانب سے عوام کو ورزش کرنے پر زور دیا جاتا ہے جس سے نہ صرف شوگر جیسے مرض کو کنٹرول کیا جاسکتا ہے بلکہ دیگر بیماریوں سے بھی بچا جاسکتا ہے۔
