گوگل نیوز پر ہمیں فالو کریںکراچی:نیو کراچی میں 8سالہ بچے عبدالرحمٰن سے قتل سے پہلے بدفعلی کی تصدیق ہوگئی،پوسٹ مارٹم رپورٹ کے بعد ڈی این اے ٹیسٹ کے لیے بھی نمونے لیبارٹری روانہ بھجوادیئے گئے۔
ذرائع کے مطابق نیو کراچی میں تین روز قبل قتل ہونے والے 8 سالہ بچے عبدالرحمن ولد آصف کی پوسٹ مارٹم رپورٹ میں بتایا گیا ہے کہ بچے کو قتل سے پہلے بدفعلی کا نشانہ بنایا گیا۔
پولیس نے پوسٹ مارٹم رپورٹ کے بعد ڈی این اے ٹیسٹ کے لیے بھی نمونے لیبارٹری روانہ کردیئے ہیں تاہم فوری طور پر واقعے سے متعلق کسی بھی شخص کو گرفتار نہیں کیا گیا۔
ایس ایچ او نیو کراچی شاہد تاج نے بتایا کہ پوسٹ مارٹم رپورٹ میں اس بات کی تصدیق کی گئی کہ بچے کو زیادتی کے بعد قتل کیا گیا۔
انہوں نے خدشہ ظاہر کیا کہ مقتول نے ملزم کو پہچان لیا ہوگا جس کی وجہ سے اس نے رحمان کو گلا گھونٹ کر قتل کیا۔
پولیس افسر کے مطابق مقتول چار جنوری 2022 کو لاپتہ ہوا اور اگلے روز اس کی لاش نیو کراچی میں واقع قبرستان سے برآمد ہوئی تھی، جس کے بعد والد کی مدعیت میں نامعلوم افراد کے خلاف قتل اور اغوا کی دفعات کے تحت مقدمہ درج کیا گیا۔
مزید پڑھیں:کراچی، 8سالہ بچہ بدفعلی کے بعد قتل، لاش قبرستان سے برآمد
