شرافی گوٹھ میں منشیات سپلائی کرنیوالے 3 ملزمان گرفتار

کراچی:شرافی گوٹھ سے فون کے ذریعے آرڈر لیکر منشیات سپلائی کرنے والے 3ملزمان گرفتار، منشیات اور رقم برآمدکرلی گئی۔

ایس ایس پی ملیر کے مطابق پولیس نے خفیہ اطلاع پر کارروائی کرکے تین ملزمان کوگرفتارکیا، ملزمان نے فون پر آرڈر ملنے کے بعد رکشے میں سواریوں کی آڑ میں منشیات پہنچانے کا انکشاف کیا۔

ملزمان سے چار کلو سے زائد چرس، آئس اور نقدی برآمدہوئی۔پولیس نے ملزمان کے زیر استعمال رکشہ بھی تحویل میں لے لیا۔ملزمان نہایت چالاکی سے منشیات کی فروخت کر رہے تھے۔

مزید پڑھیں:کراچی، ڈیفنس میں نکاح کیلئے مسجدِسکینہ کا تقدس پامال، خواتین کا مسجد میں جشن

ملزمان میں نور حسن، محمد بخش اور زاہد شامل ہیں،پولیس نے ملزمان کا کرمنل ریکارڈ بھی حاصل کر لیا۔گرفتار ملزم زاہد پر منشیات کے8 سے زائد مقدمات شہر کے مختلف تھانوں میں درج ہیں۔

ملزمان پیشہ ور منشیات فروش ہیں اور متعدد بار گرفتار ہو کر جیل جا چکے ہیں۔گرفتار ملزمان کیخلاف ضابطے کی کارروائی جاری ہے جبکہ تینوں ملزمان کو مزید پوچھ گچھ کیلئے تفتیشی حکام کے حوالے کر دیا گیا ہے۔