دہشت گردوں کی مسجد پر فائرنگ سے16نمازی شہید

ابوجا: افریقی ملک نائجیریا میں دہشت گردوں کی مسجد پر فائرنگ سے 16 نمازی شہید ہو گئے جبکہ کئی افراد کو اغوا کر لیا گیا۔

بین الاقوامی خبر رساں ادارے کے مطابق نائجیریا کے شمالی علاقے ماشیگو میں دہشت گردوں نے نماز کی ادائیگی کے دوران مسجد پر حملہ کر دیا۔ جس میں بیشتر افراد زخمی بھی ہوئے جنہیں فوری طور پر قریبی اسپتال منتقل کر دیا گیا۔

نائجیرین پولیس نے نوافراد کی موت کی تصدیق کی تاہم مقامی افراد نے 16 افراد کی شہادت کا دعویٰ کیا ہے۔

مقامی بلدیاتی انتظامیہ کے چیئرمین الحسن عیسی مزاکوکا کے مطابق دہشت گرد انتہائی منظم انداز میں موٹر سائیکلوں پر آئے تھے اور انہوں نے مسجد میں گھس کر فائرنگ کی۔

دہشت گرد متعدد نمازیوں کو اغوا کر کے اپنے ہمراہ لے گیا۔انہوں نے کہا کہ حکومت انتہا پسندوں اور جرائم پیشہ افراد کے خلاف بھرپور کام کر رہی ہے۔

اس کے باوجود علاقے میں اغوا کاروں اور دہشت گردوں کا سامنا ہے۔ ایسی صورتحال میں ہمیں صرف دعاں کی ضرورت ہے۔

مزید پڑھیں: باس کےڈاٹنےپراتناغصہ،خاتون نے دلبرداشتہ ہوکرسب جلاڈالا

اس سے قبل 23 نومبر کو نائجیریا کی ریاست زمفرا میں مسجد پر حملہ کر کے 5 نمازیوں کو شہید اور 18 کو اغوا کیا گیا تھا جبکہ اکتوبر میں بھی کابوجی نامی ایک گاں کی مسجد پر اسی طرح کا حملہ ہوا تھا اور اس میں بھی 16 نے جام شہادت نوش کیا تھا۔