زرتاج گل کے مطابق کیا تمام سیاستدان چور ہوتے ہیں ؟

اسلام آباد :وزیر برائے موسمیاتی تبدیلی زرتاج گل نے سیاستدانوں کو چور کہنے والے لوگوں کو جواب دیتے ہوئے چوراور کرپٹ جبکہ ایماندار سیاستدانوں کے حوالے سے وضاحت پیش کردی ہے۔

راولپنڈی میں نجی یونیورسٹی کی تقریب سے خطاب میں وزیرموسمیاتی تبدیلی زرتاج گل نے کہاکہ 1947 میں پاکستان 33 فیصد جنگلات پر مشتمل تھا جو 1995 میں 4 فیصد پر آگیا ،صرف لاہور میں 70 فیصد درخت کٹ چکے ہیں، لوگ سمجھتے ہیں سیاست دان چور ہیں، سب چور نہیں، کچھ اچھے بھی ہوتے ہیں۔

وفاقی وزیر برائے موسمیاتی تبدیلی زرتاج گل کاکہنا ہے کہ موسمیاتی تبدیلی کے حوالے سے سب سے زیادہ متاثر ممالک میں سے ہے ، دنیا کی ماحولیاتی تبدیلی میں پاکستان کا ایک فیصد بھی حصہ نہیں ہے،بلوچستان میں پانی کی سطح 12سو فٹ سے نیچے گر چکی ہے۔

مزید پڑھیں:ہوم ورک مکمل ہے، تحریک عدم اعتماد اگلے 48 گھنٹے میں لائی جائے گی، مولانا فضل الرحمان

انہوں نے کہاکہ کراچی میں سیلاب سے مسائل ہیں جس میں مزید ناکامیاں بھی ہیں،کچھ ماہ کی بارش ہمارے ملک میں کچھ دن ہوجاتی ہے،ملک کو ہیٹ ویوو کا بے پناہ سامنا کرنا پڑتا ہے، گلیشیرپگھل رہے ہیں ،اگر وزیر اعظم 10 ڈیک بنانے کا فیصلہ نہ کرتے تو نسلیں تباہ ہوجاتیں۔

انہوں نے کہاکہ ایک ارب سینتالیس کروڑ درخت لگا چکے ہیں،ہم لوگ صفائی نصف ایمان کو نہیں دیکھتے،اپنی گندگی اٹھانے کیلئے ترکی اور چین سے معاہدے کر لیتے ہیں،ہم نے پولیتھن بیگ پر پالیسی بنائی،جہاں چڑیا پر نہیں مار سکتی وہاں شاپر نظر آجاتا ہے۔

انہوں نے کہاکہ پنجاب میں اینٹوں کے بھٹے ہم نے زک زیک پر منتقل کر دیئے ہیں،طلباء و طالبات کیلئے جلد بل لا رہے ہیں.گریجویشن پر پودے لگانے پے 3 نمبر ملیں گے۔