گوگل نیوز پر ہمیں فالو کریںممبئی:محض تین فلموں سے کامیابیوں کے جھنڈے گاڑنے والی اداکارہ زائرہ وسیم جنہوں نے 2019 میں مذہب کی خاطر شوبز انڈسٹری کو خیربادکہہ دیا تھا، 2 سال بعد برقع میں اپنی پہلی تصویر شیئر کردی۔
بھارتی اداکارہ نے مذہب اسلام کی خاطر جولائی 2019 سے بولی وڈ چھوڑنے کا اعلان کیا تھا، انہوں نے 2016 میں عامر خان کی کامیاب ترین فلم دنگل سے انڈسٹری میں قدم رکھا تھا۔
زائرہ وسیم نے برقع میں ملبوس اپنی تصویر کو صرف انسٹاگرام پر شیئر کیا، اسے فیس بک اور ٹوئٹر پر شیئر نہیں کیا۔تصویر میں سابق اداکارہ کا چہرہ دکھائی نہیں دیتا اور انہیں خوبصورت سیاحتی مقام پر لوہے کے بنے پل پر سیاہ برقعے میں دیکھا جا سکتا ہے۔
کم عمری میں محض ایک ہی فلم سے شہرت کی بلندیوں پر پہنچنے والی زائرہ وسیم نے جب جولائی 2019 میں سوشل میڈیا پوسٹس کے ذریعے مذہب کی خاطر شوبز چھوڑنے کا اعلان کیا تھا تو کئی شخصیات حیران رہ گئی تھیں۔
مزید پڑھیں: پاوری گرل،دنا نیرکی گانا گاتے ہوئے نئی ویڈیو وائرل
