گوگل نیوز پر ہمیں فالو کریںکراچی کے علاقے ڈیفنس فیز 8 کی رہائشی عمارت کی 25 ویں منزل سےگر کر نوجوان لڑکی جاں بحق ہوگئی۔
ایس ایس پی ساؤتھ کے مطابق لڑکی کے والد کا واقعے کے حوالے سے بیان قلم بندکیا گیا ہے۔ لڑکی کے والد کا کہنا ہے کہ بیٹی کی دماغی حالت ٹھیک نہیں تھی، علاج جاری تھا۔
متوفیہ کے والد نے اپنے بیان میں مزید کہا کہ اس کی بیٹی نے اپنے کمرے کا دروازہ بندکر کے بالکونی سے چھلانگ لگائی اور اپنی جان خود لے لی۔
پولیس کے مطابق لڑکی کی لاش کو ضابطے کی کارروائی کے لیے جناح اسپتال منتقل کردیا گیا ہے۔
