یاسین ملک کی بھوک ہڑتال: پاکستان کی حریت رہنماء پر بھارتی ظلم و بربریت کی مذمت

اسلام آباد: پاکستان نے جمعرات کو جموں کشمیر لبریشن فرنٹ (جے کے ایل ایف) کے چیئرمین یاسین ملک کو ”تین دہائیوں پرانے فرضی مقدمات میں سیاسی طور پر نشانہ بنانے اور انہیں بھوک ہڑتال کرنے پر مجبور کرنے کی کوشش کی شدید مذمت کی۔

حریت رہنماء یاسین ملک 25 مئی 2022 کو ایک بھارتی عدالت کی طرف سے جھوٹے مقدمے میں سنائی گئی عمر قید کی سزا کاٹ رہے ہیں۔

ایک بیان میں، دفتر خارجہ نے کہا کہ پہلے ہی 25 مئی 2022 کو ایک ہندوستانی عدالت کی طرف سے یاسین ملک کو”غلط مقدمے” کے بعد سنائی گئی۔

دفتر خارجہ نے اس پر افسوس کا اظہار کیاکہ ”یاسین ملک کو قانونی اور جمہوری اصولوں کی مکمل خلاف ورزی کرتے ہوئے، جاری مقدمے میں ذاتی طور پر پیش ہونے کے حق سے بھی محروم کیا جا رہا ہے۔”

”ایک بار پھر، بھارت نے عدلیہ کو کشمیریوں کے حوصلے کو نقصان پہنچانے کے لیے ان کی حقیقی قیادت کو کھلے عام تعصب کا نشانہ بنا کر استعمال کیا ہے۔

دفتر خارجہ نے نشاندہی کی کہ یاسین ملک کے لئے کوئی قانونی راستہ نہیں چھوڑا گیا، آخرکار انہوں نے 22 جولائی 2022 سے بھوک ہڑتال پر جانے کا فیصلہ لیا۔

پاکستان نے بھارتی حکومت پر زور دیا کہ وہ کشمیری عوام کے حقیقی نمائندوں کو غیر انسانی نظر بندیوں اور بے بنیاد مقدمات میں پھنسانے سے باز رہے۔

مزید پڑھیں: کشمیری رہنما یاسین ملک کو تہاڑ جیل میں تنہا قید کردیا گیا

دفتر خارجہ نے کہا کہ بھارت کوجھوٹے الزامات میں زیر حراست تمام سیاسی قیدیوں کو رہا کرنا چاہیے، مقبوضہ کشمیر میں انسانی حقوق کی خلاف ورزیوں کو روکنا چاہیے، اور وحشیانہ فوجی محاصرہ ختم کرنا چاہیے۔