دو سال سے خورشید شاہ کی ضمانت کا انتظار کر رہے ہیں، شازیہ مری

کراچی:پاکستان پیپلزپارٹی پارلیمنٹرینز کی مرکزی اطلاعات سیکریٹری و رکن قومی اسمبلی شازیہ عطا مری نے کہا ہے کہ دو سال سے پی پی پی رہنما سید خورشید شاہ کی ضمانت کا انتظار کر رہے ہیں، پیپلزپارٹی پر ڈیل کے الزامات تو لگتے ہیں مگر انصاف نہیں ملتا۔

پی پی پی اس نااہل حکومت کے خلاف اپنی جدوجہد جاری رکھے گی۔ان خیالات کا اظہار آج انہوں اپنے ٹویٹر پیغام میں کیا ہے۔

Waiting for the bail of our party colleague and former opposition leader @S_KhursheedShah since almost 2 years now.PPP gets accused of deal but doesn’t even get justice!

We are happy to see that N league is getting relief from courts.First Maryam Nawaz &now Mian Shehbaz Sharif. https://t.co/PWKzBRF55l

— Shazia Atta Marri (@ShaziaAttaMarri) April 14, 2021

شازیہ مری نے اپنے پیغام میں کہا ہے کہ یہ دیکھ کر خوشی ہوئی کے ن لیگ کو ریلیف مل رہا ہے، پہلے مریم نواز شریف کو اب شہباز شریف کو ضمانت پر ریلیف ملا ہے۔

مزید پڑھیں:پی ٹی آئی حکومت اعلیٰ عدلیہ کو متنازعہ بنانے سے گریز کرے، شازیہ مری

اپنے ایک اور پیغام میں شازیہ مری نے کہا کہ پی پی پی اس نااہل حکومت کے خلاف اپنی جدوجہد جاری رکھے گی اور ‏پی ڈی ایم اس نااہل حکومت کے خلاف اپوزیشن میں موجود جماعتوں کا اتحاد ہے، یہ نہ تو خدانہ خواستہ کوئی انضمام ہے اور نہ ہی ایک پارٹی ہے۔

انہوں نے مزید کہا کہ اس اتحاد میں تو وہ پارٹی بھی شامل ہے جس نے جنرل مشرف کو وردی میں صدر بنایا تھا۔