گوگل نیوز پر ہمیں فالو کریںکراچی میں عسکری تھری کے علاقے میں واقع نجی شاپنگ مال ملینیم میں آتشزدگی کے باعث جہاں لاکھوں مالیت کا سامان جل کر خاکستر ہوگیا، وہیں اس شدید آتشزدگی کے واقعے میں متاثرہ مقام سے 60 قرآن شریف صحیح حالت میں برآمد ہوئے ہیں۔
ذرائع ابلاغ کی رپورٹس کے مطابق شدید نوعیت کی آگ کو کنٹرول کرنے کے بعد کولنگ کا عمل شروع کیا گیا تو ریسکیو 1122 کے عملے کو آگ سے متاثر حصے سے قرآن شریف کے متعدد نسخے صحیح و سالم حالت میں ملے۔
ریسکیو 1122 کے عملے نے بتایا کہ شدید نوعیت کی آگ نے مال کے اندر موجود مسجد کو بھی نقصان پہنچایا تاہم وہاں رکھے تقریباً 60 کے قریب قرآن محفوظ رہے۔
واضح رہے کہ گزشتہ شب شاپنگ مال میں اچانک آگ بھڑک اٹھی تھی تاہم فی الحال آگ لگنے کی وجہ معلوم نہیں ہو سکی۔
