گوگل نیوز پر ہمیں فالو کریںپاکستان کرکٹ ٹیم کے آل راؤنڈر محمد وسیم جونیئر رشتہ ازدواج میں منسلک ہوگئے۔
محمد وسیم جونیئر نے یہ خوشی کی خبر اپنے مداحوں کو انسٹاگرام پر دی اور اہلیہ کے ہمراہ تصاویر بھی جاری کردیں۔ تصاویر میں وسیم کو اپنی دلہن کا ہاتھ تھامے دیکھا جاسکتا ہے جبکہ دونوں سعودی عرب کے ایک ہوٹل میں موجود ہیں جہاں سے بظاہر خانہ کعبہ بھی دکھائی دے رہا ہے۔
ایک اور تصویر میں وسیم اہلیہ کے ہمراہ احرام باندھے خانہ کعبہ کے سامنے کھڑے نظر آرہے ہیں۔ تصویر سے ایسا لگ رہا ہے کہ وسیم جونیئر نے پاکستان میں نکاح اور شادی کے بعد اہلیہ کے ہمراہ حجاز مقدس کا سفر کیا ہے۔
وسیم جونیئر کی شادی کی خبر سامنے آنے کے بعد شائقین کرکٹ متجسس ہیں کہ وسیم جونیئر نے کس سے شادی کی ہے؟ معلوم ہوا ہے کہ وسیم جونیئر کی دلہن ملک کے ایک بڑے بزنس مین کی بیٹی ہے، جس سے ان کی گزشتہ سال اسلام آباد میں منگنی ہوچکی تھی۔
وسیم کی انسٹاگرام پوسٹ کے بعد ساتھی کرکٹرز کی جانب سے انہیں مبارک باد دینے کا سلسلہ شروع ہوگیا ہے۔ شاداب خان اور عامر جمال نے وسیم جونیئر کو مباک باد دیتے ہوئے ان کے لیے نیک تمناؤں کا اظہار کیا۔
