گوگل نیوز پر ہمیں فالو کریںلاہور میں عوام نے مسلم لیگ (ن) کے صدر اور سابق وزیر اعظم شہباز شریف کی گاڑی روک کر احتجاج کیا اور گالیاں دیں جس کی ویڈیوز سوشل میڈیا پر وائرل ہوگئی ہیں۔
تفصیلات کے مطابق لاہور کے علاقے کاہنہ کے عوام نے شہباز شریف کی گاڑی روک کر انہیں برا بھلا کہتے ہوئے احتجاج ریکارڈ کرایا۔ سابق وزیر اعظم عوامی رابطہ مہم کیلئے لاہور کے دورے پر نکلے تاہم کاہنہ میں عوام نے گاڑی روک لی۔
عثمان ڈار نے اچھا شہری ہونے کا ثبوت دیا۔ عثمان ڈار
عوامی احتجاج کی ویڈیوز وائرل ہوگئیں۔ لوگوں نے شہباز شریف کے قافلے کو آگے نہیں جانے دیا اور مہنگائی اور معاشی مسائل کا ذمہ دار قرار دیتے ہوئے سابق وزیر اعظم کو گالیاں بھی دیں۔ کچھ لوگوں نے ن لیگ کے صدر کو اپنے مسائل سے آگاہ کیا۔
Shahbaz sharif At Public on Fire ???? pic.twitter.com/0ymjyHITXv
— Zohaib ✨ (@ZohaibA17795971) October 4, 2023
شہباز شریف نے لوگوں کو مسائل کے حل کی یقین دہانی کراتے ہوئے ملاقات کا وعدہ کر لیا۔ سکیورٹی اہلکاروں کی مداخلت اور ن لیگی کارکنان کی مزاحمت کے بعد شہباز شریف کو عوامی گھیراؤ سے بچنے میں کامیابی ہوئی۔
سابق وزیر اعظم شہباز شریف کا کہنا ہے کہ میں قومی اسمبلی کے حلقے سے رابطہ مہم کا آغاز کرچکا ہوں جس کا مقصد اپنا ایجنڈا عوام کے سامنے لانا ہی نہیں بلکہ عوام کی باتیں اور تجاویز پر غور کرکے سیکھنا ہے۔
کل میں نے اپنے قومی اسمبلی کے حلقے سے عوامی رابطہ مہم کا آغاز کیا۔ اس کیمپین کا مقصد صرف اپنا ایجنڈا عوام کے سامنے رکھنا ہی نہی بلکہ ان کی باتیں اور تجاویز سن کر ان سے سیکھنا اور مسائل کا حل تلاش کرنا بھی ہے۔ کل میرے حلقے سے کچھ لوگوں نے میری گاڑی روک کر اپنے مسائل بیان کیے۔ آج… pic.twitter.com/tCLOodWBss
— Shehbaz Sharif (@CMShehbaz) October 5, 2023
ن لیگ کے صدر شہباز شریف نے کہا کہ ہم عوامی مسائل کا حل تلاش کریں گے۔ میرے حلقے کے لوگوں نے گاڑی روک کر اپنے مسائل بیان کیے۔ آج ان لوگوں کے نمائندوں کو دعوت دی ہے۔ میں نے مسائل کے حل کی یقین دہانی کروائی ہے۔
