گوگل نیوز پر ہمیں فالو کریںحالیہ دور میں مصنوعی ذہانت کے آلات انسانی زندگی کی تفصیلات میں غیر معمولی حد تک داخل ہو چکے ہیں، جیسا کہ سوشل میڈیا پر لوگوں کی پوسٹوں سے ظاہر ہوتا ہے۔
اس نئی صورتِ حال کی ایک دل چسپ مثال ایک خاتون کی وڈیو ہے جس میں وہ ChatGPT کی مدد سے بہترین تربوز کا چناؤ کرتی دکھائی دے رہی ہیں۔ خاتون نے مختلف تربوزوں کی تصویریں لے کر پروگرام کو دکھائیں، جس نے تصویر کا تجزیہ کر کے ان میں سے ایک بہترین تربوز کی نشان دہی کی۔
بات یہیں ختم نہیں ہوئی، بلکہ خاتون نے تربوز کاٹنے کے بعد اس کی اندرونی حالت دکھاتے ہوئے ChatGPT کی دی گئی تجویز کی تعریف کی اور بتایا کہ تجزیہ بالکل درست تھا، کیوں کہ وہ تربوز واقعی پکا ہوا اور عمدہ نکلا۔
یہ وڈیو سوشل میڈیا پر خوب مقبول ہوئی اور کئی لوگوں نے تبصرے کرتے ہوئے اس بات پر زور دیا کہ مصنوعی ذہانت اب انسانی زندگی کا ایک بڑا کردار بن چکی ہے۔
