گوگل نیوز پر ہمیں فالو کریںسابق مس یورپ ترک ماڈل گلر ایردوآن دوستوں کے ساتھ جشن منا رہی تھیں جب پڑوسیوں کی شکایت پر پولیس کا ایک دستہ جائے وقوعہ پر پہنچا۔ پولیس نے دیکھا کہ حسینہ بہت زیادہ شراب پینے کی وجہ سے نشے میں تھیں۔
لیکن وہ پولیس کو دیکھ کر بھاگ کھڑی ہوئی اور پل پر جا پہنچی۔ پولیس نے اس کا تعاقب جاری رکھا مگر خاتون اچانک اپنا توازن کھو بیٹھی اور ایک پل سے ہائی وے پر گر گئی۔ ایک تیز رفتار کار وہاں سے گزر رہی تھی۔ خاتون کار کے پہیوں سے ٹکرا کر ہلاک ہوگئی۔ اس واقعے کی ایک ویڈیو سوشل میڈیا پر وائرل ہو رہی ہے۔
العربیہ نے ترک ذرائع ابلاغ کے حوالے سے رپورٹ کیا ہے کہ گلر ایردوآن کے بارے میں بہت کم معلومات سامنے آئی ہیں۔ دستیاب معلومات کے مطابق وہ بین الاقوامی مقابلوں میں ترکیہ کی نمائندگی کرتی تھیں، اکیلی تھیں اور سوشل میڈیا پر ان کی بڑی تعداد میں فالوونگ تھی۔ شمالی ترکیہ میں اس کے آبائی شہر گیرسون میں پیش آنے والے اس واقعے کی پولیس کی تفتیش کے لیے اس کے اہل خانہ نے ابھی تک کوئی بیان جاری نہیں کیا ہے۔
اس کے بعد ایک دوسرا غیر مصدقہ اکاؤنٹ سامنے آیا، جس میں دعویٰ کیا گیا کہ ہلاک خاتون کا ترک صدر رجب طیب ایردوآن سے کوئی تعلق نہیں تھا۔ نیز وہ ذہنی صحت کے مسائل کا شکار تھی۔
خیال کیا جاتا تھا کہ اس نے خودکشی کی ہے۔ تاہم اس کی اصل حقیقت سرکاری پوسٹ مارٹم رپورٹ میں ہی سامنے آ سکتی ہے۔
