گوگل نیوز پر ہمیں فالو کریںواشنگٹن: اسرائیل کی پشت پناہی کے باعث مسلم برادری سمیت مختلف ممالک امریکا کو تنقید کا نشانہ بنا رہے ہیں تاہم صدر جو بائیڈن کے خلاف امریکا سے بھی آوازیں بلند ہونے لگی ہیں۔
سماجی رابطے کی ویب سائٹ ایکس (ٹوئٹر) پر اپنے پیغام میں امریکی حکومت کے مؤقف کے خلاف معروف امریکی صحافی ایشلے فینبرگ نے کہا کہ مجھے نہیں معلوم کہ لوگ فلسطینی باپ کو اپنے بچوں کے ٹکڑے 2 بیگز میں لے جاتا کیسے دیکھ لیتے ہیں؟
معروف صحافی ایشلے فینبرگ انٹرنیٹ کی تحقیق کیلئے مشہور ہیں۔ (فوٹو: کولمبیا جرنلزم ریویو)
معروف صحافی ایشلے فینبرگ نے کہا کہ مجھے نہیں معلوم کہ لوگ یہ کیسے سوچ لیتے ہیں کہ اخلاقی طور پر انہیں مزید بھی ایسی تصاویر دیکھنے کا مطالبہ کرنا چاہئے؟
i don't know how anyone could have seen images of a palestinian father carrying pieces of his children in two separate bags and somehow think the moral choice is to call for more https://t.co/EeaEkOziNW
— Ashley Feinberg (ashleyfeinberg.bsky.social) (@ashleyfeinberg) October 19, 2023
خیال رہے کہ انٹرنیٹ ریسرچ کے ذریعے بہترین حقائق منظرِ عام پر لانے کیلئے مشہور خاتون صحافی ایشلے فینبرگ نے یہ بیان امریکی سینٹر جان فیٹرمین کے بیان کا ردِ عمل دیتے ہوئے دیا جس میں انہوں نے اسرائیل سے یکہتی کا اظہار کیا۔
صدر جو بائیڈن کے مؤقف کو دہراتے ہوئے سینیٹر جان فیٹر مین کا سوشل میڈیا ویب سائٹ ایکس (ٹوئٹر) پر اپنے پیغام میں کہنا تھا کہ یہ وقت فلسطین اور اسرائیل کے مابین جنگ بندی کی بات کرنے کا نہیں ہے۔ ہمیں اسرائیل کی حمایت کرنا ہوگی۔
امریکی سینیٹر جان فیٹرمین نے کہا کہ ہمیں حماس کے دہشت گردوں کو ختم کرنے کیلئے اسرائیل کی مدد کرنا ہوگی جنہوں نے اسرائیل کے معصوم مردوخواتین اور بچوں کو قتل کردیا۔ حماس کو امن نہیں چاہئے، وہ تو اسرائیل کو تباہ کرنا چاہتے ہیں۔ حماس کو غیر مسلح کرنے کے بعد ہی ہم جنگ بندی کی بات کرسکتے ہیں۔
